گوگل نیوز پر ہمیں فالو کریںکراچی : محکمہ موسمیات نے کراچی کے شمالی حصے میں بوندا باندی کا امکان ظاہر کردیا۔ ڈی جی میٹ کا کہنا ہے شمال مشرقی حصے میں گرمی کی وجہ سے تھنڈر سیلز بھی بن رہے ہیں۔
ڈائریکٹر جنرل محکمہ موسمیات سردار سرفراز احمد کے مطابق کراچی کے شمال مشرقی حصے میں گرمی کے باعث موسم میں تبدیلی واقع ہو رہی ہے ، سپر ہائی وے، بحریہ ٹاؤن اور ائیرپورٹ کے اطراف میں آسمان پر بجلی چمک رہی ہے۔
ڈی جی محکمہ موسمیات کا کہنا ہے کہ گرمی کی شدت میں اضافے کی وجہ سے بحریہ ٹاون، گڈاپ، ائیرپورٹ اور اطراف کے قریب بجلی بھی انہی تھنڈر سیلز کے باعث چمک رہی ہے۔
سردار سرفراز کا کہنا ہے کہ تھنڈر سیلز اور موسم میں تبدیلی کی وجہ سے کراچی کے شمالی حصے میں بوندا باندی کا امکان ہےجبکہ شمالی حصے میں تیز ہوائیں بھی چل سکتی ہیں۔
یہ بھی پڑھیں : راولپنڈی اسلام آباد سمیت ملک کے مختلف شہروں میں بارش، موسم خوشگوار ہوگیا
