مظفر آباد: آزاد کشمیر کے صدر سردار مسعود خان نے کہا ہے کہ گلگت بلتستان اور آزاد کشمیر کو بھارتی علاقہ ظاہر کیا جارہا ہے جبکہ بھارت کا یہ اقدام سراسر غیر قانونی ہے۔
سماجی رابطے کی ویب سائٹ ٹوئٹر پر اپنے پیغام میں صدرِ آزاد کشمیر سردار مسعود خان نے کہا کہ بھارتی محکمۂ موسمیات نے گلگت بلتستان اور آزاد کشمیر کو اپنی موسمیاتی پیش گوئیوں کا حصہ بنا لیا اور یہاں کا موسم بھارتی عوام کو بتاتے رہے۔
پیغام میں صدرِ آزاد کشمیر سردار مسعود خان نے کہا کہ بھارتی محکمۂ موسمیات کا یہ اقدام جس کے ذریعے آزاد کشمیر اور گلگت بلتستان کو بھارتی علاقہ ظاہر کیا گیا، بھارت کے غیر قانونی اقدامات کا ایک تسلسل ہے جو اس نے گزشتہ برس 31 اکتوبر سے شروع کر رکھے ہیں۔
آزاد کشمیر کے صدر نے کہا کہ 31 اکتوبر کو بھارت نے جعلی نقشے جاری کیے جن میں گلگت بلتستان اور آزاد کشمیر کو بھارت کا حصہ دکھایا گیا۔ ہم بھارت کے غیر قانونی اقدامات کی شدید مذمت کرتے ہیں۔
@ForeignOfficePk, @OfficialDGISPR: Indian Meteorological Department has included Gilgit-Baltistan and Azad Kashmir in its weather forecasts. A sequel to the illegal steps India took on October 31, 2019 to show G-B and AJK as part of India and issued fake maps to that effect.
— Masood Khan (@Masood__Khan) May 8, 2020