گوگل نیوز پر ہمیں فالو کریںسیکورٹی فورسز نے خیبر پختونخوا کے ضلع ڈیرا اسماعیل خان میں ایک انٹیلی جنس بیسڈ آپریشن کے دوران لیڈر سمیت پانچ دہشت گردوں کو ہلاک کر دیا۔
آئی ایس پی آر کے مطابق یہ آپریشن ڈیرا اسماعیل خان کے مڈی علاقے میں دہشت گردوں کی موجودگی کے بارے میں موصولہ اطلاعات کے جواب میں کیا گیا۔
بیان میں کہا گیا ہے کہ آپریشن کے دوران فورسز نے دہشت گردوں کے مقام پر مؤثر کارروائی کی، جس کے نتیجے میں پانچ دہشت گرد بشمول سرغنہ شفیع اللہ جو کہ شفیع کے نام سے بھی جانا جاتا ہے، اس کو بھی ہلاک کر دیا گیا۔
بیان میں مزید بتایا گیا کہ سیکورٹی فورسز نے ہلاک ہونے والے دہشت گردوں سے ہتھیار اور گولہ بارود بھی برآمد کیا، جو سیکورٹی فورسز کے خلاف دہشت گردی کی سرگرمیوں اور بے گناہ شہریوں کے ٹارگٹ کلنگ میں ملوث تھے۔
کیا ایبٹ آباد سے چوری ہونے والی ایم آر آئی مشین شوکت خانم اسپتال کراچی پہنچ گئی؟
آئی ایس پی آر نے یہ بھی تصدیق کی کہ علاقے میں باقی ماندہ دہشت گردوں کو ختم کرنے کے لیے آپریشن جاری ہے۔ پاکستان کی سیکورٹی فورسز ملک سے دہشت گردی کے عفریت کو ختم کرنے کے لیے پرعزم ہیں۔
ایک متعلقہ واقعے میں سیکورٹی فورسز نے جمعرات کو لکی مروت میں کالعدم تحریک طالبان پاکستان (ٹی ٹی پی) کے دہشت گردوں کی جانب سے اغوا کیے گئے 17 شہری مزدوروں میں سے آٹھ کو بچا لیا۔
ذرائع نے بتایا کہ دہشت گردوں نے بغیر اسلحہ شہریوں کو لے جانے والی ایک گاڑی پر حملہ کیا، انہیں یرغمال بنایا، گاڑی کو آگ لگا دی اور اغوا شدہ افراد کے ساتھ فرار ہو گئے۔
