گوگل نیوز پر ہمیں فالو کریںاسلام آباد: عالمی ریٹنگ کے ادارے فچ نے پاکستان کی ریٹنگ جاری کردی جس میں پاکستانی معیشت کو بی مائنس ریٹنگ میں ہی برقرار رکھا گیا ہے۔
عالمی ریٹنگ کے ادارے فچ کی جانب سے کہا گیا ہے کہ آئی ایم ایف پروگرام سے ادائیگیوں میں بہتری آئی اور پالیسی ایکشن نے ملکی معاشی خرابیوں کو دور کیا ہے۔
رپورٹ میں کہا گیا ہے کہ گزشتہ سال کے دوران پاکستانی معیشت کو درپیش بیرونی خطرات میں کمی واقع ہوئی، ملکی جاری خسارے میں کمی ریکارڈ کی گئی اور زرمبادلہ کے ذخائر بڑھے ہیں، کرنٹ اکاونٹ خسارے میں کمی کی بڑی وجہ درآمدات میں کمی ہے۔
فچ نے کہا ہے کہ 30 جون 2019 کو پاکستان کا کرنٹ اکاونٹ خسارہ جی ڈی پی کے 4.9 فیصد تھا، جب کہ رواں مالی سال جاری خسارہ جی ڈی پی کے 2 اعشاریہ 1 فیصد رہنے اور اگلے مالی سال میں جاری خسارہ جی ڈی پی کے 1 اعشاریہ 9 فیصد رہنے کی توقع ہے۔
کریڈٹ ریٹنگ ایجنسی کا مزید کہنا ہے کہ اندرونی سیکیورٹی کی صورتحال بہتر ہونے کے باعث دہشت گردی کے واقعات کم ہوئےہیں، ملک میں تجارت اور سیکیورٹی کے ماحول میں بہتری کی وجہ سے معاشی آؤٹ لک میں بہتری کی امید ہے۔
یہ بھی پڑھیں: معاشی صورتحال اب پہلے جیسی نہیں رہی، ملکی زرمبادلہ کے ذخائر بڑھ رہے ہیں،رزاق داود
