گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ متنازعہ شہریت بل کے ذریعے بھارت نے انسانی حقوق پر عالمی قوانین کی دھجیاں اڑا دیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ گزشتہ روز ایک طرف دنیا عالمی یومِ انسانی حقوق منانے میں مصروف تھی تو دوسری طرف بھارت شہریت بل سے انسانی حقوق کے قوانین کی سرعام دھجیاں اڑا رہاتھا۔
معاونِ خصوصی اطلاعات فردوس عاشق اعوان نے متنازعہ بھارتی شہریت بل منظوری کی شدید مذمت کرتے ہوئے کہا کہ یہ اقدام فاشسٹ مودی کی اقلیتوں کے حقوق پر کاری ضرب اور مسلم دشمنی کا منہ بولتا ثبوت ہے۔
جس دن پوری دنیا انسانی حقوق کا عالمی دن منا رہی تھی تو دوسری طرف بھارت متنازعہ شہریت بل سے انسانی حقوق کے قوانین کی سرعام دھجیاں اڑا رہاتھا۔یہ اقدام فاشسٹ مودی کی اقلیتوں کے حقوق پر کاری ضرب اور مسلم دشمنی کا منہ بولتا ثبوت ہے۔
— Dr. Firdous Ashiq Awan (@Dr_FirdousAwan) December 11, 2019
ڈاکٹر فردوس عاشق اعوان نے کہا کہ بھارت کی نریندر مودی سرکار کی جانب سے بھارت کو انتہا پسند ہندو ریاست میں تبدیل کرنے کا عمل گاندھی کے نظریے کو دفن کرتا ہے جبکہ اس سے قائد اعظم کے دو قومی نظریے کی حقانیت پر مہرِ تصدیق ثبت ہوتی ہے۔
مودی سرکار کی جانب سے بھارت کو انتہا پسند ہندو ریاست میں تبدیل کرنے کا عمل گاندھی کے نظریے کو دفن اور قائد اعظم کے دو قومی نظریے کی حقانیت پر مہر ثبت کرتا ہے۔
— Dr. Firdous Ashiq Awan (@Dr_FirdousAwan) December 11, 2019
فردوس عاشق اعوان نے کہا کہ متنازعہ شہریت بل نام نہاد جمہوریت اوربھارتی سیکولرازم کے دعووں کو جھوٹ ثابت کرچکا ہے۔یہ قانون سازی نہیں بلکہ انتہا پسند ہندوتوا سوچ پورے خطے پر مسلط کرنے کی گھناؤنی سازش اور ہمسایہ ملکوں کے اندرونی معاملات میں مداخلت ہے۔
متنازعہ شہریت بل نام نہاد جمہوریت اوربھارتی سیکولرازم کے دعووں کو جھوٹ ثابت کرچکا ہے۔یہ قانون سازی نہیں بلکہ انتہا پسند ہندتوا سوچ پورے خطے پر مسلط کرنے کی گھناؤنی سازش اور ہمسایہ ملکوں کے اندرونی معاملات میں مداخلت ہے۔
— Dr. Firdous Ashiq Awan (@Dr_FirdousAwan) December 11, 2019
انہوں نے مقبوضہ جموں و کشمیر میں گزشتہ چار ماہ سے زائد عرصے سے جاری دشمنِ انسانیت کرفیو کی مذمت کرتے ہوئے مطالبہ کیا کہ عالمی برادری انسانی حقوق کی بد ترین پامالیوں اور متنازعہ بھارتی قانون سازی کے خلاف آواز بلند کرے۔
دنیا کشمیر میں انسانی حقوق کی بدترین پامالیوں اور بھارتی متنازع قانون سازی کے خلاف آواز بلند کرے۔
— Dr. Firdous Ashiq Awan (@Dr_FirdousAwan) December 11, 2019
یاد رہے کہ اس سے قبل وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ ٹیکنالوجی زون اور پارک کا افتتاح نئے پاکستان میں ٹیکنالوجی کی اہمیت کا ثبوت ہے۔
ٹوئٹر پر گزشتہ روز اپنے پیغام میں معاونِ خصوصی اطلاعات فردوس عاشق اعوان نے کہا کہ وزیر اعظم عمران خان نے 2 روز قبل نسٹ میں پاکستان کے پہلے ٹیکنالوجی زون اور پارک کا افتتاح کیا۔
مزید پڑھیں: ٹیک زون کا افتتاح ٹیکنالوجی کی اہمیت کا ثبوت ہے۔فردوس عاشق اعوان
