گوگل نیوز پر ہمیں فالو کریںلاہور: معاونِ خصوصی برائے اطلاعات و نشریات حکومتِ پنجاب فردوس عاشق اعوان نے کہا ہے کہ پاکستان کی سیاسی تاریخ آج ایک نیا رُخ اختیار کرنے والی ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ پاکستان کی سیاسی تاریخ آج ایک نیا رُخ اختیار کرنے والی ہے۔ وزیرِ اعظم اعتماد کا ووٹ لیں گے۔
معاونِ خصوصی فردوس عاشق اعوان نے کہا کہ اپوزیشن کے مطالبے کے بغیر وزیرِ اعظم عمران خان آج قومی اسمبلی سے اعتماد کا ووٹ حاصل کریں گے۔ ماضی میں کرپشن کے ریکارڈ توڑ دئیے گئے۔
فردوس عاشق اعوان نے کہا کہ ماضی میں کرپشنن کے ریکارڈ ہولڈرز اور اقتدار کے نشے میں گم بدمست ہاتھی ایسی جرات تو کیا، اقتدار سے الگ ہونے کا سوچ بھی نہ سکے، یہ ملکی تاریخ میں اہم پیشرفت ہے۔
پاکستان کی سیاسی تاریخ آج ایک نیا رخ اختیار کرنے جارہی ہے؛ اپوزیشن کے مطالبے کے بغیر وزیراعظم عمران خان آج پارلیمنٹ سے اعتماد کا ووٹ حاصل کرینگے۔ ماضی میں کرپشن کے ریکارڈ ہولڈرز اور اقتدار کے نشے میں گم "بدمست ہاتھی" ایسی جرات تو کیا اقتدار سے الگ ہونے کا سوچ بھی نہ سکے!
— Dr. Firdous Ashiq Awan (@Dr_FirdousAwan) March 6, 2021
یاد رہے کہ وزیرِ اعظم عمران خان قومی اسمبلی سے اعتماد کا ووٹ آج حاصل کریں گے جبکہ ایوان میں پی ٹی آئی اور حلیف جماعتوں کے 180 اور اپوزیشن کے 160 ارکان ووٹ ڈالیں گے۔
قومی اسمبلی میں مجموعی طور پر 342 نشستیں موجود ہیں جہاں وزیرِ اعظم کو اعتماد کا ووٹ حاصل کرنے کیلئے اراکینِ قومی اسمبلی کی سادہ اکثریت کی ضرورت ہے۔
مزید پڑھیں: وزیرِ اعظم عمران خان قومی اسمبلی سے اعتماد کا ووٹ آج حاصل کریں گے
