گوگل نیوز پر ہمیں فالو کریںاسلام آباد: وزارت خزانہ نے کہا ہے کہ معاشی استحکام کی پالیسیوں اور زرعی شعبے میں اصلاحات سے مہنگائی میں کمی آئے گی۔
وزارت خزانہ کے اعلامیہ میں کہاگیاکہ سازگار موسم اور وفاقی اور صوبائی سطح پر کڑی نگرانی سے بھی آنے والے دنوں میں مہنگائی کم کرنے میں مدد ملے گی۔
انہوں نے کہاکہ مون سون سے پہلے بارشیں، سردی اور دھند کی شدت، سبزیوں کی پیداوار متاثر ہونے سے فوڈ انفلیشن بڑھی تاہم موسم میں بہتری اور ٹماٹر، پیاز اور آلو کی بہتر پیداوار سے مہنگائی کا دباؤ کم ہوگا۔
انہوں نے کہاکہ مہنگائی میں اضافے کی بڑی وجہ بین الاقوامی منڈی میں پام آئل، سویا بین آئل اور خام تیل کی قیمتوں میں اضافہ بھی ہے۔ انہوں نے کہاکہ دسمبر 19 سے لیکر اب تک پام آئل کی قیمت میں 43اعشاریہ 9 فیصد اضافہ ہوا،سویا بین آئل 12اعشاریہ 8 فیصد، خام تیل کی قیمت میں 16اعشاریہ 6فیصد اضافہ ہوا۔
یہ بھی پڑھیں: اگر خزانے میں گنجائش ہے تو عوام پر بوجھ کم کرنے کے لیے استعمال کیا جائے۔اسد عمر
