گوگل نیوز پر ہمیں فالو کریںوفاقی وزیر برائے سائنس و ٹیکنالوجی فواد چوہدری نے لاہور میں آلودگی کا ذمے دار بھارتی وزیر اعظم نریندر مودی کی حکومت کو قرار دے دیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر برائے سائنس و ٹیکنالوجی فواد چوہدری نے کہا کہ وزارتِ ماحولیات نے وفاقی کابینہ میں بیٹھے ہوئے انہیں آگاہ کیا کہ لاہور میں فضائی آلودگی کی بڑی وجہ بارڈر پار کی صورتحال ہے۔
یہ بھی پڑھیں: آزادی مارچ ٹھوکر نیاز بیگ پہنچ گیا، شرکاء کا رات لاہور میں گزارنے کا فیصلہ
وفاقی وزیر فواد چوہدری نے کہا کہ داتا کی نگری لاہور میں آلودگی کا تناسب واہگہ بارڈر کی نسبت سے آدھا ہے جبکہ دہلی سے امرتسر تک فصل کاٹنے کے بعد آگ لگا دی جاتی ہے۔
فواد چوہدری نے کہا کہ بھارت کے شہروں میں فصلوں کو لگائی جانے والی آگ ایک بڑا ماحولیاتی مسئلہ ہے جبکہ نریندر مودی کی حکومت ہر معاملے میں ناکام ہے۔
کل وزارت ماحولیات نے کابینہ کو بتایا کہ لاہور میں آلودگی کی بڑی وجہ بارڈر پار کی صورتحال ہے، لاہور شہر میں آلودگی کا تناسب واھگہ بارڈر پر آلودگی کے تناسب سے آدھا ہے، دھلی سے امرتسر تک فصل کاٹنے کے بعد جو آگ لگائ جاتی ہے وہ بڑا ماحولیاتی مسئلہ ہے، مودی سرکار ہر معاملے میں ناکام ہے
— Ch Fawad Hussain (@fawadchaudhry) October 30, 2019
یاد رہے کہ اس سے قبل وفاقی وزیر سائنس اینڈ ٹیکنالوجی فواد چوہدری نے کہا کہ آزادی مارچ کی کامیابی سے جمہوریت ختم اور طالبان حکومت قائم ہوگی۔
انہوں نے دو روز قبل ٹوئٹر پیغام میں کہا کہ وزیراعظم عمران خان سے نفرت میں اندھے ہوکر کچھ نام نہاد لبرلز اسلام آباد کی جانب رواں دواں انتہا پسندانہ مارچ کی حمایت کررہے ہیں۔
ان کا کہنا تھا کہ یاد رکھیں ایسے مارچ کی کامیابی کا مطلب پاکستان میں جمہوری دور کا خاتمہ اور طالبان طرز کی حکومت کی بنیاد رکھنا ہے جبکہ سیاسی تماش بینی میں اچھی خبریں تو کھو جاتی ہیں۔
مزید پڑھیں: آزادی مارچ کی کامیابی سے جمہوریت ختم اور طالبان حکومت قائم ہوگی، فواد چوہدری
