گوگل نیوز پر ہمیں فالو کریںاسلام آباد: وفاقی وزیرِ اطلاعات و نشریات فواد چوہدری نے کہا ہے کہ شریف برادران نے منی لانڈرنگ کیلئے 1992ء کے ایکٹ کا سہارا لیا جبکہ کیسز میں کچھ نئی تحقیقات سامنے آئی ہیں جن پر تفتیش کی جائے گی۔
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات فواد چوہدری نے کہا کہ شریف خاندان نے منی لانڈرنگ کیلئے 1992ء کے دی پروٹیکشن آف اکنامک ریفارمز ایکٹ کی مختلف شقوں کا سہارا لے کر دھوکے سے غیر ملکی کرنسی کے مختلف جعلی اکاؤنٹس کھلوائے اور بہت سی دولت ان میں جمع کروائی۔
ٹوئٹر پیغام میں وزیرِ اطلاعات فواد چوہدری نے کہا کہ تحقیقات سے پتہ چلاکہ میاں محمد شریف، شمیم اختر، نواز شریف، شہباز شریف، عباس شریف، مریم صفدر، صبیحہ عباس، حسین نواز اور حمزہ شہباز پر مشتمل ملز انتظامیہ کی تجوریوں میں بھاری بھرکم غیرقانونی سرمایہ موجود ہے اور وہ اس دولت کے ذرائع بتانے سے قاصر ہیں۔
ان لوگوں نے منی لانڈرنگ کیلئے 1992 کے دی پروٹیکشن آف اکنامک ریفارمز ایکٹ کی مختلف شقوں کا سہارا لیکر دھوکے سے بیرونی کرنسی کے مختلف جعلی کھاتے کھولے اور بہت سی دولت ان کھاتوں میں جمع کروائی۔
— Ch Fawad Hussain (@fawadchaudhry) May 11, 2021
پیغام میں وزیرِ اطلاعات فواد چوہدری نے کہا کہ اس کمپنی میں بھاری بھرکم سرمایہ کاری نے تفتیشی افسران کو تشویش میں مبتلا کردیا جس کا سرمایہ کاری سے قبل حجم محض 95.7 ملین اور مجموعی خسارہ 809.834 ملین روپے تھا، چنانچہ نیب نے 1999 کے نیب آرڈیننس کے تحت معاملے کی پڑتال کے احکامات صادر کردیے۔
بدعنوانی کی تفصیلات بتاتے ہوئے وفاقی وزیرِ اطلاعات نے کہا کہ حدیبیہ پیپر ملز پرائیویٹ لمیٹیڈ کے ریکارڈ کی پڑتال کے دوران نیب اسلام آباد کے تحقیق کاروں پر یہ انکشاف ہوا کہ 97-1996 اور 98-1997 کے دوران کمپنی کے کھاتوں میں بالترتیب 30.499 ملین اور 612.273 ملین روپے بطور شیئر ڈیپازٹ ظاہر کئے گئے ہیں۔
وہ کمپنی جس کا اس سرمایہ کاری سے قبل حجم محض 95.7 ملین اور مجموعی خسارہ 809.834 ملین روپے تھا، میں اتنی بھاری رقوم کی آمد نے تحقیق کاروں کو تشویش میں مبتلا کر دیا چنانچہ نیب نے 1999 کے نیب آرڈیننس کے تحت معاملے کی پڑتال کے احکامات صادر کردیے۔
— Ch Fawad Hussain (@fawadchaudhry) May 11, 2021
وفاقی وزیرِ اطلاعات فواد چوہدری نے کہا کہ پکڑے جانے پر اسحاق ڈار وعدہ معاف گواہ بنے اور انہوں نے متعلقہ حکام کو اپنا تفصیلی بیان بھی ریکارڈ کروایا مگر بعد میں یہ کہہ کر کہ ان سے یہ بیان زبردستی لیا گیا، اپنے بیان سے منحرف ہوگئے۔ اس فراڈ کیلئے بہت ہی زبردست طریقہ اختیارکیا گیا۔
نواز شریف کے بیٹوں کے بارے میں وزیرِ اطلاعات فواد چوہدری نے کہا کہ حسن اور حسین نواز، ن لیگ کے صدر شہباز شریف اور انکے سیاسی وارث حمزہ شہباز بھی بدعنوانی کے مرکزی کردارہیں، اسحاق ڈار نے اس فراڈ میں شریف خاندان کی معاونت کیلئے بیرونی کرنسی کے جعلی بے نامی اکاؤنٹس کھلوائے۔
پکڑے جانے پر اسحاق ڈار وعدہ معاف گواہ بنے اور انہوں نے متعلقہ حکام کو اپنا تفصیلی بیان بھی ریکارڈ کروایا مگر بعد میں یہ کہہ کر کہ ان سے یہ بیان زبردستی لیا گیا، اپنے بیان سے منحرف ہوگئے۔
اس فراڈ کیلئے بہت ہی زبردست طریقہ اختیار کیا گیا!
— Ch Fawad Hussain (@fawadchaudhry) May 11, 2021
وزیرِ اطلاعات فواد چوہدری نے کہا کہ حدیبیہ پیپر ملز کیس تقریبا 1 ہزار 242 ملین روپے کے فراڈ کی کہانی ہے جو اپنے حجم کے لحاظ سے پانامہ پیپرز کیس سے بڑی ہے۔ کہانی کی ابتداء سن 2000ء میں اس وقت ہوئی جب نیب حکام نے حدیبیہ پیپرز کے خلاف ایک ریفرنس دائر کیا۔
حدیبیہ پیپر ملز کیس کیا ہے اور اس کی ابتداء کیسے ہوئی؟
1. حدیبیہ پیپرملز کیس تقریباً 1242 ملین روپے کے فراڈ کی کہانی ہے جو بلحاظ حجم پانامہ پیپرز کیس سے بڑی ہے اور جس کی ابتداء سن 2000 میں اس وقت ہوئی جب نیب حکام نے حدیبیہ پیپرز کیخلاف ایک ریفرنس دائر کیا۔— Ch Fawad Hussain (@fawadchaudhry) May 11, 2021
فواد چوہدری نے کہا کہ جب جعلی اکاؤنٹس کا بھانڈا پھوٹ گیا تو شریف خاندان نے منی لانڈرنگ کا پیسہ پیسہ حدیبیہ پیپر ملز کے اکاؤنٹس میں براہِ راست ڈالنے کا فیصلہ کیا جس کیلئے انہوں نے اس مل کے اکاؤنٹس کیلئے غیر ملکی کرنسی کی مالیت کے برابر مختلف ڈالر ٹیلی گرافک ٹرانسفرز (ٹی ٹیز) کا بندوبست کیا۔
انہوں نے کہا کہ بالکل اسی طرح جیسے ابھی شہباز شریف اور مریم نواز کی رقوم پاکستان سے باہر بھیجی گئیں، 1242.732 ملین روپے اچانک شریف فیملی کے اثاثوں میں آگئے یہ رقم پانامہ اسکینڈل سے بھی بڑی تھی۔
بالکل اسی طرح جیسے ابھی شہباز شریف اور مریم نواز کی رقوم پاکستان سے باہر بھیجی گئیں، 1242.732 ملین روپے اچانک شریف فیملی کے اثاثوں میں آگئے یہ رقم پانامہ اسکینڈل سے بھی بڑی تھی۔
ا۔— Ch Fawad Hussain (@fawadchaudhry) May 11, 2021
یہ بھی پڑھیں: نیب کی اپوزیشن لیڈر شہباز شریف کا نام ای سی ایل میں ڈالنے کی درخواست
