گوگل نیوز پر ہمیں فالو کریںاسلام آباد: وزیراعظم عمران خان نے ہے کہ پاکستان کو اس وقت بین الاقوامی سطح پر چیلنجز کا سامنا ہے، میری کامیابی قوم کی کامیابی ہے، انہوں نے کہا ہے کہ میں کرپٹ ہوں نہ کسی کو کرپشن کرنے دوں گا۔
ان کا کہنا ہے کہ بھارت بڑا چیلنج ہے، حالات مودی کے ہاتھوں سے نکل رہے ہیں، بھارت اندرونی حالات سے بچنے کے لیے پاکستان پر حملہ کر سکتا ہے جس کا جواب دینے کیلئے پوری طرح تیار ہیں۔
وزیراعظم عمران خان نے ان خیالات کا اظہار مختلف شعبہ جات سے تعلق رکھنے والے نوجوانوں اور ڈیجیٹل میڈیا کے وفد سے ملاقات کے دوران کیا۔ اس ملاقات میں ملک کو درپیش چیلنجزاور مسائل سے نمٹنے کے لئے حکومتی اقدامات پر بھی تبادلہ خیال کیا گیا۔
وزیراعظم عمران خان کا کہنا تھا کہ مودی سرکار نے ہندوراشٹرا کے خواب پورا کرنے کیلئے امن اور خطے کی سلامتی کو داؤ پر لگا دیاہے۔ انہوں نے کہا کہ ڈیجیٹل میڈیا کے ذریعے مظلوم کشمیری عوام کا مقدمہ دنیا کے سامنے پیش کیا جائے۔
وزیراعظم عمران خان کا کہنا تھا کہ بھارت اس وقت بڑا چیلنج ہے کیونکہ بھارت پر انتہا پسندی غالب ہےاور حالات نریندرامودی کے ہاتھوں سے نکل رہےہیں، بھارت اندرونی حالات سے بچنے کے لیے پاکستان کے خلاف شرانگیزی کرسکتا ہے تاہم پاکستان بھارت کی کسی بھی مہم جوئی کا جواب دینے کے لیے تیارہے۔
مزید پڑھیں: عالمی برادری کو خبردار کرتے ہیں کہ بھارت کشمیر میں جعلی آپریشن کرسکتا ہے۔وزیر اعظم
