راولپنڈی میں وزیر اعظم عمران خان کے احساس پروگرام کے نام پر جعلی سروے کرنے والے گروہ کا انکشاف ہوا ہے، احساس پروگرام کی سربراہ کے مطابق کچھ خواتین جعلی سروے میں ملوث ہیں۔
سماجی رابطے کی ویب سائٹ ٹوئٹر پر اپنے پیغام میں احساس پروگرام کی سربراہ ڈاکٹر ثانیہ نشتر نے کہا کہ ہمیں معلوم ہوا ہے کہ کچھ خواتین احساس کے نام پر راولپنڈی میں جعلی سروے کر رہی ہیں۔
عوام کو سروے کرنے والوں سے ہوشیار رہنے کی تلقین کرتے ہوئے ڈاکٹر ثانیہ نشتر نے کہا کہ ایسے جعلسازوں کے بارے میں ہمیں رابطہ نمبر 26477-0800 پر اطلاع دیں تاکہ ان کے خلاف کارروائی کی جاسکے۔
احساس پروگرام کی سربراہ ڈاکٹر ثانیہ نشتر نے کہا کہ احساس پروگرام کی معلومات جلد احساس ویب سائٹ پر جاری کردی جائیں گی، تاہم عوام کو ایسے جعلسازوں کے خلاف ہوشیار رہنا ہوگا۔
ہمیں معلوم ہواہے کہ کچھ خواتین احساس کے نام پر راولپنڈی میں جعلی سروے کر رہی ہیں۔ ان جعلسازوں سے ہوشیار رہیے اور ان کے بارے میں ہمیں26477-0800 پر اطلاع دیجیے تاکہ ہم انکے خلاف کاروائی کر سکیں۔احساس سروے کی معلومات جلداحساس ویب سائٹ پر جاری کر دی جائیں گی۔#EhsaasKafaalat pic.twitter.com/s8Nh9lV8VZ
— Senator Dr Sania Nishtar (@SaniaNishtar) March 17, 2020