گوگل نیوز پر ہمیں فالو کریںپاکستانی شوبز انڈسٹری کے مشہورومعروف فنکار فہد مصطفیٰ نے بالی ووڈ اداکار شاہ رخ خان کے بڑے بیٹے آریان خان کیلئے پیغام دیتے ہوئے کہا ہے کہ منشیات کا استعمال تباہ کن ہے جو نوجوان نسل پر اثر انداز ہورہا ہے۔
جوانی پھر نہیں آنی 2 کے اداکار فہد مصطفیٰ نے سماجی رابطے کی ویب سائٹ ٹوئٹر پر اپنے پیغام میں کہا کہ ہماری نوجوان نسل کو منشیات حقیقی طور پر تباہ کر رہی ہیں جو آسانی سے اسکولز، کالجز اور یونیورسٹیوں میں بھی دستیاب ہیں۔
اداکار فہد مصطفیٰ نے کہا کہ حکومت کو منشیات کے خلاف اقدامات اٹھانے چاہئیں جبکہ بطور والدین اپنے بچوں پر نظر، نظم و ضبط کا خیال رکھنا اور شام سے قبل گھر واپس آنے کی تلقین کرنا مناسب اقدام ہے۔ بچوں کو آزادی دیجئے، کھلی چھوٹ نہیں۔
Drugs are really damaging our youth and are so easily available in schools colleges and universities our government needs to check on this and as parents its ok to keep an eye on children ,discipline them tell them to get bak home before maghrib😊azaadi ho choot nahi!
— Fahad Mustafa (@fahadmustafa26) October 4, 2021
خیال رہے کہ بھارتی فلم انڈسٹری میں کنگ خان کہلانے والے شاہ رخ خان کے بیٹے آریان خان کو نارکوٹکس ڈرگز اینڈ سائیکو ٹروپک سبسٹینس ایکٹ (این ڈی پی ایس) کے تحت گرفتار کیا گیا تھا جس کا تعلق منشیات کے استعمال سے ہے۔
نارکوٹکس کنٹرول بیورو (این سی بی) نے حال ہی میں کروزشپ پر چھاپہ مار کارروائی کرتے ہوئے بالی ووڈ سپر اسٹار شاہ رخ خان کے بیٹے آریان خان سمیت 10 افراد کو گرفتار کرلیا۔ کروز شپ سے منشیات برآمد ہوئیں جس پر یہ کارروائی عمل میں لائی گئی۔
بھارت میں منشیات کے استعمال کے خلاف سرگرمِ عمل نارکوٹکس کنٹرول بیورو (این سی بی) نے شاہ رخ خان کے بیٹے آریان خان سے ممبئی ڈرگ کیس میں کورڈیلیا کروز ایمپریس شپ پر پوچھ گچھ شروع کردی جس پر بھارتی فلم انڈسٹری میں تشویش پائی جاتی ہے۔
مزید پڑھیں: شاہ رخ کے بیٹے کو نارکوٹکس کنٹرول بیورو نے حراست میں لے لیا
