گوگل نیوز پر ہمیں فالو کریںلاہور: ارطغرل غازی ڈرامہ سیریز سے شہرت پانے والے ترک اداکار اینگن آلتان دوزیاتان نے پاکستانی ڈراموں میں کام کرنے کیلئے مشروط رضا مندی ظاہر کردی ہے۔
پاکستان کے مختصر دورہ پر لاہور آنیوالے معروف ترک اداکار اینگن آلتان دوزیاتان نے پریس کانفرنس کے دوران پاکستان ڈراموں میں کام کرنے کے حوالے سے کہا ہے کہ اگر اچھی کہانی ملی تو پاکستانی ڈرامہ میں کام کرنے کیلئے تیار ہیں۔
جمعہ کے روز لاہور میں پریس کانفرنس سے خطاب کرتے ہوئے انہوں نے بتایا کیا کہ انہوں نے پاکستان میں کچھ نئے منصوبوں پر دستخط کیے ہیں، انہوں نے مزید کہا کہ انہیں نجی ٹیکسٹائل کمپنی کا برانڈ ایمبیسیڈر بنایاگیا جس کے معاہدے کیلئے وہ لاہور آئے ہیں۔
Engin Altan aka ‘Ertugrul’ addressed a press conference in Lahore saying: ‘it was a great pleasure for me that PM Khan praised the drama and also I know that Pakistani people love me” He ended up his conversation by saying “Shukriya Lahore Lahore hai”#ErtugrulGazi #MMNewstv pic.twitter.com/2iDh5M6RTy
— MM News TV (@mmnewsdottv) December 11, 2020
ارطغرل غازی کا کردار ادا کرنیوالے اینگن آلتان دوزیاتان نے کہا کہ مجھے بہت خوشی ہے کہ وزیراعظم پاکستان عمران خان کو ڈرامہ پسند آیا، انہوں نے کہا کہ ارطغرل غازی اسلامی کہانی پر مبنی ڈرامہ تھا۔
پاکستان کے دورے کے بارے میں اینگن آلتان دوزیاتان نے کہا کہ میں جانتا ہوں کہ پاکستانی لوگ مجھ سے پیار کرتے ہیں اور میں یہاں کی قدرتی خوبصورتی سے بھی واقف ہوں۔
مزید پڑھیں:ارطغرل کے بعد حلیمہ سلطان بھی پاکستان سے جڑ گئی، مل کر کام کرنے کا عزم، تصاویر وائرل
پاکستانی کھانے کے بارے میں بات کرتے ہوئے انہوں نے کہا کہ یہاں کے کھانے بہت مزیدار ہیں لیکن مسالہ بہت زیادہ ہوتا ہے۔
