گوگل نیوز پر ہمیں فالو کریںکراچی: نجی چینل کی رپورٹ کے مطابق شہر قائد کے علاقے ملیر سے 11 سالہ بچی مبینہ طور پر لاپتہ ہوگئی۔
تفصیلات کے مطابق ملت گارڈن ملیر سے کم سن بچی مبینہ طور پر لاپتہ ہوگئی، بچی کے والدین نے تھانہ سعود آباد میں اغوا کا مقدمہ درج کرادیا۔
ایک بیان میں، والد نے پولیس کو بتایا کہ لڑکی اور اس کے 3 سالہ کزن کو اسکول چھوڑنے کے بعد، وہ دفتر چلا گیا۔ بعد ازاں انہیں صبح 11:45 پر گھر سے فون آیا کہ ان کی بیٹی ابھی تک گھر نہیں پہنچی۔
اسکول انتظامیہ سے رابطہ کرنے کے بعد والدین کو معلوم ہوا کہ ان کی 11 سالہ بیٹی پہلے ہی گھر کے لیے روانہ ہوچکی ہے۔
والد نے پولیس کو بتایا کہ اس کی بیٹی فون پر کسی سے بات کرتی تھی۔ اس نے پولیس سے درخواست کی کہ اس کی بیٹی کی بازیابی کے لیے موبائل فون کو ٹریس کیا جائے۔
مزید پڑھیں:اینٹی وائلنٹ کرائم سیل نے 3مغویان کو بازیاب کرالیا
پولیس نے والدین کی شکایت پر اغوا کا مقدمہ درج کرکے لاپتہ لڑکی کی بازیابی کے لیے ٹیم تشکیل دے دی۔
