گوگل نیوز پر ہمیں فالو کریںوزیر اعظم عمران خان کے احساس انڈر گریجویٹ اسکالر شپس کے لیے درخواست کی ڈیڈ لائن میں 24 دسمبر تک توسیع کی گئی ہے۔
احساس انڈر گریجویٹ پروگرام کے تحت اسکالرشپ حاصل کرنے کے خواہش مند طلبہ و طالبات 24 دسمبر تک آن لائن درخواستیں جمع کروا سکتے ہیں۔
درخواستیں جمع کروانے کے لیے ہائر ایجوکیشن کمیشن (ایچ ای سی) کی ویب سائٹ وزٹ کرکے درج ہدایات پر عمل کرتے ہوئے آن لائن اپلائی کیا جاسکتا ہے۔
سماجی رابطے کی ویب سائٹ ٹوئٹر پر وزیر سائنس و ٹیکنالوجی فواد چوہدری نے ہائر ایجوکیشن کمیشن آف پاکستان کی طرف سے جاری لنک شیئر کرتے ہوئے طلبہ کو آج ہی اپلائی کرنے کی ہدایت کی ہے۔
Apply now pic.twitter.com/picJbrERGS
— Ch Fawad Hussain (@fawadchaudhry) December 15, 2019
یاد رہے کہ اس سے قبل وفاقی وزیر سائنس و ٹیکنالوجی فواد چوہدری نے کہا کہ ہم ہانگ کانگ کی طرز پر ویڈیو کیمرہ کو پولیس یونیفارم کا حصہ بنانا چاہتے ہیں، جس کے لیے تیاری شروع کردی گئی ہے۔
ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ کچھ عرصہ پہلے میں نے تجویز دی کہ ہانگ کانگ کی طرز پر ویڈیو کیمرہ پولیس کی یونیفارم کا حصہ ہونا چاہئے۔
،وزیر سائنس و ٹیکنالوجی فواد چوہدری نے کہا کہ ویڈیو کیمرہ پولیس یونیفارم کا حصہ بنانے سے پولیس ناکے پرہونیوالی گفتگو رویہ اور کارروائی ریکارڈ کا حصہ بنے گی۔
مزید پڑھیں: ویڈیو کیمرہ یونیفارم کا حصہ ہوگا فواد چوہدری کی تجویز
