گوگل نیوز پر ہمیں فالو کریںکراچی: وزیر تعلیم سندھ سعید غنی کی ہدایات پر محکمہ تعلیم کے ڈائریکٹوریٹ آف پرائیویٹ انسٹیٹیوشنز نے تمام نجی اسکولوں کو اپریل اور مئی کی فیسوں میں بیس فیصد رعایت کرنے کی ہدایات جاری کردی ہیں۔
وزیر تعلیم سندھ سعید غنی نے کہا ہے کہ یہ رعایت کرونا وائرس کے باعث صوبے میں لاک ڈاؤن کی وجہ سے عوام کی سہولت کے پیش نظر دی گئی ہے۔
سعید غنی کا کہنا ہے کہ کچھ روز قبل ہم نے تمام نجی اسکولز کو والدین کو رعایت کی ہدایات دی تھی تاہم اب تمام طلباء کو 20 فیصد فیسوں میں دو ماہ تک رعایت دینے کی ہدایات دی گئی ہیں۔
نوٹیفکیشن کے مطابق صوبے بھر کے تمام نجی تعلیمی ادارے اپنے تمام طلباء کی فیس میں 20 فیصد لازمی رعایت دیں گے۔یہ رعایت ماہ اپریل اور مئی کی فیسوں میں طلباء کو دی جائے گی۔
مزید پڑھیں:پرائیویٹ اسکولز کا اساتذہ و ملازمین کو پوری تنخواہیں دینے سے انکار
