خیبر پختونخوا کے مختلف اضلاع میں زلزلے کے شدید جھٹکے

پشاور: صوبہ خیبر پختونخوا کے مختلف اضلاع میں زلزلے کے شدید جھٹکے محسوس کیے گئے ہیں جس سے عوام میں خوف و ہراس پھیل گیا۔

تفصیلات کے مطابق لوئر دیر اور مہمند سمیت خیبر پختونخوا کے مختلف اضلاع میں زلزلے کے جھٹکے محسوس کیے گئے۔ عوام کی بڑی تعداد کلمۂ طیبہ کا ورد کرتی ہوئی گھروں سے باہر نکل آئی۔

یہ بھی پڑھیں:

اسلام آباد ،پنجاب اور خیبرپختونخوا کے کئی شہروں میں زلزلے کے جھٹکے

زلزلہ پیما مرکز کا کہنا ہے کہ خیبر پختونخوا میں محسوس کیے گئے زلزلے کے جھٹکوں کی شدت 4.9، مرکز افغانستان میں ہندو کش کا پہاڑی سلسلہ جبکہ گہرائی 130 کلومیٹر زیر زمین تھی۔

خیال رہے کہ اس سے قبل  وفاقی دارالحکومت اسلام آباد سمیت صوبہ پنجاب  اور خیبرپختونخوا کے کئی شہروں میں 5اعشاریہ 9 شدت کے زلزلے کے جھٹکے محسوس کیے گئے تھے۔

زلزلے کے جھٹکے 8 روز قبل پشاور، لنڈی کوتل، علی پور، چنیوٹ، حافظ آباد اور ملحقہ علاقوں ،کالاباغ، شانگلہ، چلاس، گلگت، شاردو، غذر میں بھی محسوس کیے گئے جن سے خوف پھیل گیا۔

پنجاب میں ملتان، ٹوبہ ٹیک سنگھ، میانوالی، ہنگو، ہنزہ اور مہمند تک زلزلے کے جھٹکے محسوس کیے گئے۔ آزاد جموں و کشمیر کے مختلف علاقوں میں بھی زلزلے کے جھٹکے محسوس کیے گئے۔