سندھ میں کورونا وائرس کیسز کی شرح 6 فیصد سے بھی بڑھ گئی ہے، محکمہ صحت

کراچی: محکمہ صحت سندھ نے کہا ہے کہ صوبے میں کورونا وائرس کیسز کی شرح 6 فیصد سے بھی بڑھ گئی ہے، اس سے قبل 20 جولائی کو مثبت کیسز کی شرح 6.60 فیصد ریکارڈ کی گئی تھی جبکہ اکتوبر میں کیسز کی شرح 1.9 فیصد سے 3.1 فیصد کے درمیان رہی تھی۔

محکمہ صحت سندھ نے اپنی حالیہ رپورٹ میں کہا ہے کہ صوبے میں کورونا وائرس کیسز کی شرح 6 فیصد سے بھی بڑھ گئی ہے، کورونا وائرس کے مثبت کیسز کی یہ شرح 13 نومبر سے بڑھ رہی ہے۔محکمہ صحت کی رپورٹ کے مطابق 16نومبر کو کورونا کیسز کی مثبت شرح 6.02 فیصد تک آگئی ہے۔

سندھ میں 12 نومبر کو کورونا کیسز کی شرح 4.06 فیصد جبکہ 7 نومبر کو 4.93 فیصد تھی۔محکمہ صحت کی جانب سے کہا گیا کہ اس سے قبل 20 جولائی کو سندھ میں کورونا کیسز کی مثبت شرح 6.60 فیصد ریکارڈ کی گئی تھی۔

اکتوبر میں کیسز کی شرح 1.9 فیصد سے 3.1 فیصد کے درمیان رہی۔محکمہ صحت کے مطابق احتیاطی تدابیر اختیار نہ کی گئیں تو کورونا وائرس کی شرح میں مزید اضافے کا خدشہ ہے۔خیال رہے کہ صوبہ سندھ سمیت ملک بھر میں کورونا وائرس کی دوسری لہر نے خطرناک صورت اختیار کرلی ہے، ملک میں کورونا کے مصدقہ کیسز کی تعداد 3 لاکھ 61 ہزار 82 ہوچکی ہے۔

مزید پڑھیں:اسلام آباد کا نوجوان معذور ی کو شکست دیکر معاشرے کیلئے مثال بن گیا

وزیراعلی سندھ سید مراد علی شاہ نے روزانہ کی بنیاد پر کورونا وائرس کی صورتحال کو میڈیا سے شیئر کرتے ہوئے کہا ہے کہ مزید9 مریضوں کے جاں بحق ہونے کے بعد اموات کی مجموعی تعداد بڑھ کر2760ہوگئی ہے اور گزشتہ 24 گھنٹوں کے دوران 12430 ٹیسٹ کرنے کے بعد 904نئے کیسز سامنے آئے جسکے بعد مثبت تعداد 157432 تک پہنچ گئی ہے ۔

کورونا وائرس کے مزید 9 مریض اپنی جان سے ہاتھ دھو بیٹھے جس کی وجہ سے اموات کی تعداد 2760 ہوگئی جو 1.8 فیصد شرح اموات ہے۔

مراد علی شاہ نے کہا کہ 12430 نمونے ٹیسٹ کئے گئے جن سے 904 کیسز کی تشخیص ہوئی جو موجودہ تشخیصی شرح کا 7.3 فیصد بنتی ہے۔