کراچی: سندھ حکومت نے قومی کرکٹ ٹیم کے سابق اسپن باؤلر صادق محمد کے کورونا وائرس ٹیسٹ گھر پر کروانے کا انتظام کردیا ہے۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ ہم نے صادق محمد کی وائرل ہونے والی ویڈیو پر نوٹس لے لیا ہے جبکہ 74 سالہ صادق محمد کورونا وائرس کے پیشِ نظر ہسپتال نہیں جاسکتے۔ ان کے ٹیسٹ گھر پر کیے جائیں گے۔
ترجمان سندھ حکومت بیرسٹر مرتضیٰ وہاب نے کہا کہ میں نے واقعے کا نوٹس لیا جبکہ کراچی شرقی کے ڈپٹی کمشنر نے صادق محمد سے رابطہ کر لیا ہے۔ صادق محمد کے ٹیسٹ گھر پر کرنے کے لیے ہم نے ٹیم بھیج دی ہے جو ابھی راستے میں ہے۔
Thank u for highlighting it. Have taken note of it & Deputy Commissioner East has contacted Sadiq sb. Team is on its way for taking his #COVIDー19 test. https://t.co/3PiA6oi3T3
— Murtaza Wahab Siddiqui (@murtazawahab1) April 23, 2020