کورونا مزید 39 زندگیاں نگل گیا، 3498 نئے کیسز کا اندراج

اسلام آباد: پاکستان میں کورونا وائرس کی پانچویں لہر کے دوران اموات کا سلسلہ جاری، موذی وباء نے مزید 39 زندگیاں نگل لیں، 3498 نئے کیسز سامنے آگئے۔

این سی او سی کے تازہ ترین اعداد و شمار کے مطابق 39 نئی اموات کے بعدکورونا سے مرنے والوں کی مجموعی تعداد اب بڑھ کر 29ہزار687 ہو گئی ہے جب کہ نئے 3ہزار498 کیسز شامل کرنے کے بعد اب کل متاثرین کی تعداد 1477573 ہو گئی ہے۔

مزید پڑھیں:پاکستان میں کورونا وائرس سے مزید 47 اموات، 3914 نئے کیسز ریکارڈ

گزشتہ 24 گھنٹوں کے دوران پاکستان بھر میں 58077 ٹیسٹ کیے گئے جب کہ مثبت کیسز کا تناسب 6اعشاریہ 02 فیصد رہا۔ انتہائی نگہداشت میں مریضوں کی تعداد 1663 تھی۔ 5761 مریض وائرس سے صحت یاب ہوئے ہیں جبکہ صحت یاب ہونے والوں کی کل تعداد 1365518 رہی۔ملک میں فعال کیسز کی کل تعداد 82ہزار368 ریکارڈ کی گئی۔

سندھ میں اب تک 555920، پنجاب میں 493478، خیبرپختونخوا میں 207820، اسلام آباد میں 132711، بلوچستان میں 34986، آزاد کشمیر میں 41584 اور گلگت بلتستان میں 11074 افراد میں کورونا وائرس کی تصدیق ہوچکی ہے۔

اس کے علاوہ پنجاب میں اب تک 13 ہزار 322، سندھ میں 7 ہزار 958، خیبر پختونخوامیں 6 ہزار 87، اسلام آباد میں 995، آزاد کشمیر میں 766، بلوچستان میں 370 اور گلگت بلتستان میں 189 افراد جان کی بازی ہار چکے ہیں۔