کراچی میں آج پھر سے سرد ہوائیں چلیں گی، پارہ 8 ڈگری تک گرنے کا امکان

کراچی: محکمہ موسمیات کا کہنا ہے کہ کراچی میں آج سے تیز ہوائیں چلنے کا امکان ہےجبکہ لاہور میں سردی کی شدت برقرارہے اور درجہ حرارت 9 ڈگری تک پہنچ گیاہے۔

محکمہ موسمیات نے کہاہے کہ کراچی میں آج سے تیز ہوائیں چلنے کا امکان ہے، ساحلی علاقوں میں ہواں کی رفتار 60 کلومیٹر فی گھنٹے تک ہوسکتی ہے۔

محکمہ موسمیات کے مطابق شہر میں ہواؤں کی رفتار 36 سے 45 کلو میٹر فی گھنٹے تک بڑھ سکتی ہے، 22 سے26 جنوری کے دوران کراچی سمیت سندھ میں ہلکی سردی کا امکان ہے۔

مزید پڑھیں:کراچی، کورنگی میں دستیاب سردیوں کی پسندیدہ سوغات کینو کا حلوہ

محکمہ موسمیات کے مطابق مغربی ہواؤں کا سلسلہ جنوب پنجاب کی جانب بڑھ رہاہے، مغربی ہواؤں کے اثرات کراچی میں تیز ہواؤں اور سردی کی معتدل لہر کی صورت میں رہیں گے جبکہ سمندر میں معمول سے تیز لہریں بھی پیدا ہوسکتی ہیں۔

اس دوران کراچی میں رات کا درجہ حرارت 8 سے 9 ڈگری گرسکتا ہے، سندھ کے بیشتر شہروں کا درجہ حرارت 4 سے 6 ڈگری تک گر سکتا ہے۔

دوسری جانب لاہور میں سردی کی شدت برقرارہے اورکم سے کم درجہ حرارت 9 سینٹی گریڈ ریکارڈگیا جبکہ محکمہ موسمیات کے مطابق مغربی ہواؤں کا سلسلہ 3 روز تک برقرار رہے گا۔