پاکستانی ”چڑیلز” نے بی ایم اے ایوارڈ بھی اپنے نام کر لیا

کراچی :گزشتہ سال زی فائیو کے چینل زندگی ٹی وی پر ریلیز کی جانیوالی پاکستانی ویب سیریز ‘چڑیلز نے برٹش ایشین میڈیا ایوارڈ بی ایم اے اپنے نام کر لیا۔

پاکستانی ویب سیریز چڑیلز کو برٹش ایشین میڈیا ایوارڈ بی ایم اے میں ‘او ٹی ٹی پلیٹ فارم شو آف دی ائیر کے ایوارڈ سے نوازا گیا۔برٹش ایشین میڈیا ایوارڈز کا بنیادی مقصد غیر معمولی کام کی نمائش کرکے ایشین میڈیا کی صنعت کو ترقی دینے میں مدد کرنا ہے۔

مزید پڑھیں: ویب سیریز چڑیلز میں نازیبا جملوں کے استعمال پر پاکستانیوں میں غم و غصے کی لہر

خیال رہے کہ پاکستانی ویب سیریز ‘چڑیلز کی ہدایت کاری عاصم عباس نے دی ہے جس کی کہانی 4 خواتین کے گرد گھومتی ہے جو کہ دھوکہ دہی میں ملوث شوہروں کو بے نقاب کرنے کے لیے ایک خفیہ ایجنسی کھولتی ہیں۔

گزشتہ دنوں پاکستان کی پہلی ویب سیریز چڑیلز پر پابندی بھی عائد کی گئی تھی جب کہ کچھ دنوں بعد اس پابندی کو اٹھا لیا گیا تھا۔

یہ بھی پڑھیں:پاکستانی اداکارہ نمرہ بچہ کی ’مس مارول‘ٹی وی سیریز کیساتھ ہالی ووڈ میں انٹری

چڑیلز کو پاکستان میں بند کرنے کی کوئی وجہ سامنے نہیں آسکی تھی جب کہ سوشل میڈیا پر متعدد صارفین کا یہ کہنا ہے کہ اس میں موجود کچھ بولڈ سینز کی وجہ سے ہی اسے بند کیا گیا ہوگا۔