گوگل نیوز پر ہمیں فالو کریںبیجنگ: چین کی قومی اسپیس ایڈمنسٹریشن (سی این ایس اے) نے اعلان کیا ہے کہ چین کا نیا مشن چینگ ای 6 پاکستانی سٹیلائٹ کو بھی چاند پر لے جائے گا۔
تفصیلات کے مطابق سی این ایس اے نے سماجی رابطے کی ویب سائٹ ویبو پر جاری بیان میں کہا کہ چین کا چینگ ای 6 مشن چاند کی تسخیر کیلئے آئندہ برس روانہ ہوگا جس میں پاکستان کے علاوہ دیگر ممالک کے پے لوڈز بھی چاند پر پہنچیں گے۔
انسانی زندگی کی عمر بڑھانے کیلئے کروڑوں ڈالر کا سعودی منصوبہ
چینی اسپیس ایڈمنسٹریشن (سی این ایس اے) کا کہنا ہے کہ مشن چینگ ای 6 آئندہ برس کی پہلی ششماہی میں چاند کیلئے روانہ ہوگا جس میں یورپی اسپیس ایجنسی، فرانس، اٹلی اور پاکستان کے پے لوڈز شامل ہوں گے۔ مشن میں فرانسسیی انسٹرومنٹس کی موجودگی کی تصدیق کردی گئی۔
اسپیس ایڈمنسٹریشن (سی این ایس اے) کا کہنا ہے کہ فرانسسیی انسٹرومنٹس کی مدد سے ریڈیو ایکٹو گیس کی جانچ کی جائے گی۔ پاکستان کے کیوب سیٹ نامی منی ایچر سٹیلائٹ کو چاند کے مدار میں پہنچا دیا جائے گا۔
آج سے 3 سال قبل چین نے اپنا چینگ ای 5 مشن چاند پر بھیجا جو چاند سے مٹی کے مختلف نمونے جمع کرکے زمین پر واپس لایا۔ امریکا اور روس کے بعد چین چاند کی تسخیر کرنے والا تیسرا بڑا ملک بن گیا۔
