عراقی سیکیورٹی فورسز نے بغداد کے گرین زون میں احتجاجی جلوس منتشر کردیا

بغداد: عراقی سیکیورٹی فورسز نے گرین زون کے سامنے مظاہرین کو آبی توپوں اور آنسو گیس کا استعمال کرتے ہوئے منتشر کردیا۔

عرب ٹی وی کے مطابق عراق کے دارالحکومت بغداد میں ہونے والے ایک مظاہرے کے دوران لوگوں نے حکومت کے خلاف نعرے لگائے۔پولیس نے حکومت مخالف مظاہرین کو وسطی بغداد میں تحریر اسکوائر اور گرین زون تک جانے والی تمام سڑکیں بند کردیں۔

مظاہرے کے وقت بغداد بالخصوص گرین زون اور دیگرحساس مقامات پر پولیس کی بھاری نفری تعینات کی گئی تھی۔عراقی دارالحکومت میں تحریراسکوائر میں سیکڑوں مظاہرین جمع ہوئےاورانہوں نے سب چور کے نعرے لگائے۔

زیر داخلہ یاسین الیاسیری مظاہرین کو یہ یقین دہانی کروانے کے لیے تحریر اسکوائر گئے تھے کہ سیکیورٹی فورسز کو ان کی حفاظت کے لیے تعینات کیا گیا ہے۔مظاہروں کے بعد وزیر اعظم عادل عبد المہدی نے داخلہ ، دفاع اور الحشد الشعبی کے ملازمت سے فارغ کیے گئے ملازمین کی بحالی کا اعلان کیا۔

خیال رہے کہ عراق میں رواں ماہ کے آغاز میں ہونے والے پرتشدد مظاہروں میں 150 سے زیادہ افراد ہلاک ہوئے تھے۔ عراقی دارالحکومت کے وسط میں واقع تحریر اسکوائر میں درجنوں مظاہرین جمع ہوئے جنہوں نے گرین زون کی طرف بڑھنے کی کوشش کی۔

عراقی نیوز ایجنسی نے پر اپنے سرکاری اکانٹ کے ذریعہ ، وزارت داخلہ کا حوالہ دیتے ہوئے ایک بیان جاری کیا ہے جس میں کہا گیا ہے کہ جمعہ کو احتجاج کے پیش نظر پولیس اور دیگر قانون نافذ کرنے والے اداروں کو الرٹ کیا گیا ۔