گوگل نیوز پر ہمیں فالو کریںسی ڈی اے نے مارگلہ ہلز نیشنل پارک ایریا میں قبضہ مافیا کے خلاف کارروائیاں کرتے ہوئے نئی تعمیرات مسمار کردی ہیں۔
سی ڈی اے کی جانب سے جاری تفصیلات کے مطابق سی ڈی اے انفورسمنٹ ڈائریکٹوریٹ کے عملے نے منگل کے روز مارگلہ پہاڑی کے دامن میں واقع چونترہ گاؤں میں سرکاری اراضی پر ہونے والی غیر قانونی تعمیرات کے خلاف بھرپور آپریشن کیا۔
اس موقع پر ضلعی انتظامیہ کے افسران اور اسلام آباد پولیس کی بھاری نفری بھی سی ڈی اے عملے کی معاونت کے لئے موجود رہی۔
اس آپریشن کے دوران چونترہ گاؤں میں سرکاری اراضی پر نئی تعمیر ہونیوالے 38 کمرے، 11 چار دیواریاں، 09 کچن، 16 باتھ رومز، 07 گیٹ، 18 برآمدے اور 02 پانی کے بور بھاری مشینری کی مدد سے مکمل طور پر گرا دئیے گئے۔
یہ بھی پڑھیں:عدالت نے اسلام آباد لوکل گورنمنٹ آرڈیننس 2021 کالعدم قرار دے دیا
