بیلی جین ٹینس کنگز کپ: پاکستان ویمنز ٹیم نے تاجکستان کو ہرا دیا

تاجسکتان:پاکستان ویمنز ٹیم نے بیلی جین ٹینس کنگز کپ میں تاجکستان کو شکست دے دی۔

پاکستان ویمنز ٹیم نے تاجسکتان کے شہر دوشمبے میں جاری ویمنز ٹینس کنگز کپ (فیڈ کپ)میں تاجکستان کو 0۔3 سے شکست دے دی۔

پہلے سنگل میچ میں اوشنا سہیل نے کامیابی حاصل کی،دوسرے سنگلز میں سارہ محبوب نے کامیابی حاصل کر کے پاکستان کو دو صفر کی سبقت دلادی۔

اس کے علاوہ ڈبل مقابلے میں مہک کھوکھر اور نور ملک نے کامیابی حاصل کر کے پاکستان کو تین صفر سے فتح دلوادی۔

پہلے میچ میں پاکستان ٹیم کو منگولیا سے شکست کا سامنا کرنا پڑا تھا، قومی ٹیم تیسرا میچ جمعرات کو ترکمانستان کے خلاف کھیلے گی، کامیابی کی صورت میں پاکستان ٹیم سیمی فائنل میں پہنچ جائے گی۔

مزید پڑھیں:گولڈ میڈلسٹ ارشد ندیم نے حکومت سے کون کون سے مطالبات کردیئے؟

یاد رہے کہ امریکا سے تعلق رکھنے والی بیلی جین کنگ سابق نمبر ون ٹینس پلیئر ہیں۔

مینز کے ڈیوس کپ کی طرح یہ ویمنز کا فیڈ کپ ہے جو اب بلی جین کنگز کپ کے نام سے منسوب ہے۔