گوگل نیوز پر ہمیں فالو کریںنواب شاہ:ریلوے ٹریک پر عوامی ایکسپریس کو مارٹر گولوں سے تباہ کرنے کی کوشش کرنے والا مبینہ گرفتار دہشت گرد کرلیا گیا۔
ایس ایس پی امیر سعود مگسی نے نواب شاہ میں پریس کانفرنس کرتے ہوئے کہاکہ پولیس نے عوامی ایکسپریس کو تباہ کرنے کی کوشش کرنے والے دہشت گرد کو گرفتار کرکے اس کے قبضے سے مارٹر گولے برآمد کر لئے ہیں۔
ایس ایس پی نے بتایا کہ گرفتار دہشت گرد کی شناخت ماجد علی کیریو عرف ببلو کے نام سے ہوئی ہے، جو ریلوے ٹریک پر عوامی ایکسپریس کو مارٹر گولوں سے تباہ کرنے کی کوشش کر رہا تھا۔
انہوں نے کہا کہ کارروائی کے دوران اس کے قبضے سے تین مارٹر گولے بھی برآمد کئے گئے ہیں، تاہم اس کے تین ساتھی فرار ہونے میں کامیاب ہو گئے۔
سعود مگسی نے بتایا کہ گرفتار دہشت گرد ماجد علی نے اعتراف جرم کرتے ہوئے بتایا کہ وہ ایک ماہ قبل رینجرز انٹلیجنس کے دفتر پر بھی بم حملہ کرنے میں ملوث تھا۔
مزید پڑھیں: کراچی، 3ماہ میں 27 ہزار اسٹریٹ کرائمز، جرائم کی شرح میں 10فیصداضافہ
