اسلام آباد: وفاقی وزیر برائے منصوبہ بندی و ترقی اسد عمر نے کہا ہے کہ وزیرِ اعظم جنوبی بلوچستان کیلئے ترقیاتی پروگرام کا اعلان آئندہ چند ہفتوں میں کریں گے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیرِ منصوبہ بندی و ترقی اسد عمر نے کہا کہ میرے گزشتہ 2 روز بلوچستان کے شہر خضدار، آواران، تربت اور گوادر میں گزرے۔ جنوبی بلوچستان کے خصوصی پروگرام کیلئے یہ ضروری تھا کہ زمینی حقائق کا جائزہ لیا جائے۔
پیغام میں وفاقی وزیر اسد عمر نے کہا کہ زمینی حقائق دیکھنے کے ساتھ ساتھ مقامی لوگوں کی ترجیحات سننا بھی ضروری تھا، ان شاء اللہ آئندہ چند ہفتوں میں وزیرِ اعظم ملک کے اِس پسماندہ ترین علاقے کی ترقی کیلئے خصوصی پروگرام کا اعلان کریں گے۔
پچھلے دو دن خضدار، آواران، تربت، گوادر میں گزارے . جنوبی بلوچستان کے خصوصی ترقیاتی پروگرام کے لئے ضروری تھا کے زمینی حقائق دیکھے جائیں اور مقامی لوگوں کی ترجیحات سنیں. انشاءاللہ چند ہفتوں میں وزیراعظم، ملک کے اس پسماندہ ترین علاقے کی ترقی کے لئے خصوصی پروگرام کا اعلان کریں گے.
— Asad Umar (@Asad_Umar) September 15, 2020