گوگل نیوز پر ہمیں فالو کریںواشنگٹن: امریکا کے صدر ڈونلڈ ٹرمپ نے افغان طالبان کو ایک بار پھر مذاکرات کی میز پر آنے کا اشارہ دیتے ہوئے کہا ہے کہ مذاکرات کی بحالی کے لیے کہیں بہتر طریقے بھی موجود ہیں۔
سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ افغان طالبان کو اس سے قبل کبھی اس طرح نشانہ نہیں بنایا گیا جیسے اب ہم بنا رہے ہیں۔ ایک عظیم امریکی سپاہی سمیت 12 افراد کا قتل کوئی اچھی بات نہیں تھی۔
یہ بھی پڑھیں: امریکا نہیں جانتا کہ وہ کس قوم سےالجھ رہا ہے،افغان طالبان
صدر ٹرمپ نے کہا کہ طالبان کو معلوم ہے انہوں نے بہت بڑی غلطی کی ہے اور اب وہ یہ نہیں جانتے کہ اس کا ازالہ کیسے ممکن ہے۔ مذاکرات کی میز پر بات چیت کے متعدد راستے موجود ہیں۔
The Taliban has never been hit harder than it is being hit right now. Killing 12 people, including one great American soldier, was not a good idea. There are much better ways to set up a negotiation. The Taliban knows they made a big mistake, and they have no idea how to recover!
— Donald J. Trump (@realDonaldTrump) September 14, 2019
یاد رہے کہ اس سے قبل اقوامِ متحدہ میں پاکستان کی مستقل مندوب ملیحہ لودھی کہہ چکی ہیں کہ امریکا کے ساتھ افغان طالبان کے امن مذاکرات میں تعطل محض عارضی ہے اور یہ جلد ختم ہوجائے گا۔
ملیحہ لودھی نے سلامتی کونسل میں افغانستان پر بحث و مباحثے کے دوران کہا کہ اگر افغان امن مذاکرات میں حالیہ تعطل کو جلد ختم نہ کیا گیا تو تشدد میں مزید شدت آئے گی جو افغانستان کو مزید مشکلات کی طرف دھکیل دے گی۔پاکستان چاہتا ہے کہ افغان امن عمل میں حالیہ تعطل کو جلد ختم کیا جائے ، خاص طور پر اُس وقت جب امریکا اور افغان طالبان حتمی امن معاہدے کی تکمیل کے قریب تھے۔
مزید پڑھیں: امریکا افغان طالبان کے امن مذاکرات میں تعطل عارضی ہے اور یہ جلد ختم ہوجائے گا۔ ملیحہ لودھی
