گوگل نیوز پر ہمیں فالو کریںکراچی: وفاقی وزیر برائے بحری امور کے کورونا ٹیسٹ کا نتیجہ منفی نکلا، وائرس کو شکست دینے کے بعد علی زیدی نے کہا کہ کورونا سے ڈرنا نہیں بلکہ لڑنا ہے۔
سماجی رابطے کی ویب سائٹ ٹوئٹر پر حال ہی میں کورونا وائرس میں مبتلا ہونے والے وزیرِ بحری امور نے اپنے پیغام میں کہا کہ کورونا سے ڈرنا نہیں، لڑنا ہے اور اللہ تعالیٰ کا کرم ہے کہ میرے کورونا وائرس ٹیسٹ کا نتیجہ منفی آگیا ہے۔
پیغام میں وزیرِ بحری امور علی زیدی نے عوام کی دعاؤں پر شکریہ ادا کرتے ہوئے دُعا کی کہ اللہ تعالیٰ سب کو بیماریوں اور پریشانیوں سے دور رکھے۔ انہوں نے عوام کو کورونا وائرس کی روک تھام کیلئے ماسک پہننا نہ چھوڑنے کی ہدایت بھی کی۔
کرونا سے ڈرنا نہیں، لڑنا ہے!
اللہ تعالیٰ کا کرم ہے کہ ٹیسٹ منفی آگیا۔
آپ سب کی دعاؤں کا بہت شکرگزار ہوں، اور دعا گو ہوں کہ اللہ ہم سب کو بیماریوں اور پریشانیوں سے دور رکھے۔ امین
ماسک پہننا مت چھوڑئیے ????#COVID19 negative ???? pic.twitter.com/rgzG0CdfEc— Ali Haider Zaidi (@AliHZaidiPTI) November 8, 2020
یاد رہے کہ اِس سے قبل وفاقی وزیر برائے بحری امور علی حیدر زیدی اور ن لیگی رہنما سینیٹر مصدق ملک بھی کورونا وائرس کا شکار ہو گئے تھے۔
ٹوئٹر پرگزشتہ ہفتے اپنے پیغام میں وفاقی وزیر علی زیدی نے کہا کہ مجھے ابھی ابھی بتایا گیا کہ میرا کورونا وائرس ٹیسٹ کا نتیجہ مثبت آگیا جس کا مطلب یہ ہے کہ مجھے قرنطینہ میں جانا ہوگا۔
مزید پڑھیں: علی زیدی اور ن لیگی رہنما مصدق ملک بھی کورونا وائرس کا شکار
