گوگل نیوز پر ہمیں فالو کریںپاکستان کی سینئر اداکارہ بینا چوہدری کو قتل کی دھمکیاں ملنے لگیں۔ انہوں نے اس حوالے سے ویڈیو بیان جاری کردیا۔
اپنے آفیشل انسٹاگرام اکاؤنٹ سے جاری کی گئی ویڈیو میں اداکارہ بینا چوہدری نے حال ہی میں بتایا کہ انھیں گزشتہ کئی روز سے قتل کی دھمکیاں مل رہی ہیں۔
View this post on Instagram
جاری ویڈیو میں اداکارہ نے بتایا کہ مجھے دھمکیوں کی صورت کہا گیا کہ اگر میں نے اپنی زبان بند نہ رکھی تو مجھے مار دیا جائے گا۔
ویڈیو بیان میں بینا چوہدری نے کہا کہ اگر کل کو میں اس دنیا میں نہ رہوں یا پھر میرے ساتھ کوئی حادثہ رونما ہوجائے تو اس کے ذمہ دار لوگوں کی ویڈیو میں نے ریکارڈ کرکے رکھ لی ہے جو کہ سوشل میڈیا پر آجائے گی۔میرے ساتھ کسی بھی وقت کوئی بھی حادثہ پیش آسکتا ہے۔
واضح رہے کہ بینا چوہدری نے جاری ویڈیو میں میں قتل کی دھمکیوں کی وجہ کو واضح نہیں کیا نہ ہی کسی دھمکی دینے والے شخص کا نام لیا ہے۔
