فرانسیسی صدر ایمونوئیل میکرون کو نوجوان نے تھپڑ ماردیا

پیرس: فرانس کے صدر ایمونوئیل میکرون کی پالیسیز سے تنگ نوجوان نے سب کے سامنے انہیں تھپڑ رسید کردیا ہے۔

فرانسیسی خبررساں ادارے کے مطابق صدر ایمونوئیل میکرون کورونا وائرس میں کمی کے بعد کاروباری سرگرمیاں بحال ہونے پر فرانس کے جنوب مغربی صوبے ڈروم کے دورے پر تھے جہاں انہوں نے مختلف ریسٹورنٹس کے مالکان اور طالب علموں سے ملاقات کی تھی۔

ایمانوئیل میکرون جیسے ہی ایک عمارت سے باہر نکلے تو سامنے موجود افراد نے تالیاں بجا کر ان کا استقبال کیا جس پر صدر نے آگے بڑھتے ہوئے ٹی شرٹ پہنے اور ماسک لگائے نوجوان سے ہاتھ ملایا۔

🇫🇷 FLASH – Emmanuel #Macron s’est fait gifler par un homme s’écriant "À bas la macronie !", lors d’une visite à #Tain. (via @AlexpLille) #Drôme pic.twitter.com/ncLhQymiET

— Mediavenir (@Mediavenir) June 8, 2021

نوجوان نے ہاتھ ملاتے ہی صدر ایمانوئیل میکرون کے منہ پر تھپڑ جڑ دیا۔ صدر اس اچانک حملے سے گھبرا گئے اور حواس باختہ ہوگئے۔ سیکیورٹی اہلکاروں نے فوراً صدر کو نوجوان سے دور کیا۔ اس دوران وہ نوجوان صدر میکرون اور ان کی پالیسیوں کے خلاف نعرے لگاتا رہا۔

پولیس نے صدر ایمانوئیل میکرون کو تھپڑ مارنے کے جرم میں دو افراد کو حراست میں لے لیا ہے تاہم ان کی شناخت ظاہر نہیں کی گئی ہے۔ تفتیشی عمل جاری ہے۔