گوگل نیوز پر ہمیں فالو کریںکراچی: ترجمان سندھ حکومت بیرسٹر مرتضیٰ وہاب نے اغواء کی گئی بچی کو شادی شدہ کہا جس پر نیو یارک ٹائمز کی لکھاری خاتون نے ان کی کلاس لے لی۔
سماجی رابطے کی ویب سائٹ ٹوئٹر پر گزشتہ روز اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ پولیس نے اغواء کی ایف آئی آر درج کی اور مجرموں کو گرفتار کرنے کیلئے چھاپے بھی مارے جا رہے ہیں۔
پیغام میں بیرسٹر مرتضیٰ وہاب نے کہا کہ بد قسمتی سے وہ (میسحی بچی) عدالت چلی گئی تھی جس پر عدالت نے ایک حکم نامہ جاری کیا جس کے تحت پولیس کو گرفتاری سے اور نئی شادی شدہ خاتونِ خانہ کی حفاظت سے روکا گیا۔
مرتضیٰ وہاب کے پیغام پر ردِ عمل دیتے ہوئے بینا شاہ نامی خاتون کالم نگار نے نئی شادی شدہ خاتونِ خانہ کے لفظ پر تنقید کرتے ہوئے کہا کہ کیا آپ یہ نہیں کہنا چاہتے کہ وہ ایک نابالغ بچی ہے جسے اغواء کیا گیا اور جنسی ہراسگی یا زیادتی کا نشانہ بنایا گیا؟
خاتون کالم نگار نے کہا کہ عدالت نے ایسا کیوں کیا؟ اور کیسے 13 سالہ بچی اپنی مرضی سے شادی پر رضامند ہوسکتی ہے؟ کیا بچوں کی شادی کو روکنے کا کوئی قانون (سندھ چائلڈ میرج رسٹرینٹ ایکٹ) موجود نہیں ہے؟
"Newly wedded wife"?
Don't you mean kidnapped and sexually assaulted minor?
Why did the court do this?
How is a 13 year old able to consent to marriage of her free will, don't we have a Sindh Child Marriage Restraint Act? https://t.co/NHHEX5Nlv9— Bina Shah (@BinaShah) October 30, 2020
یاد رہے کہ اِس سے قبل کراچی میں 13 سالہ مسیحی بچی آرزو راجہ کے اغواء اور جبری مذہب تبدیل کروائے جانے کے خلاف یونائیٹڈ کونسل آف چرچز کے زیراہتمام نیشنل پریس کلب اسلام آباد کے سامنے احتجاجی مظاہرہ کیا گیا ۔
مظاہرے میں مسیحی کمیونٹی کے مذہبی رہنماؤں سمیت مسیحی برادری کے سیکڑوں افراد نے شرکت کی، مظاہرین سے یونائیٹڈ کونسل چرچز آف پاکستان کے جنرل سیکریٹری پاسٹر سیمسن سہیل نے خطاب کیا۔
مزید پڑھیں: 13 سالہ مسیحی بچی کے اغواء کیخلاف مسیحی برادری کا احتجاج
