گوگل نیوز پر ہمیں فالو کریںتین ون ڈے میچز پر مشتمل پاک سری لنکا کرکٹ سیریز کا پہلا میچ آج شہر قائد کے نیشنل اسٹیڈیم میں کھیلا جائے گا۔ پاکستان کی قومی کرکٹ ٹیم کی قیادت سرفراز احمد کر رہے ہیں جبکہ مہمان ٹیم کے کپتان لاہیرو تھریما ہوں گے۔
پاکستان اور سری لنکا کے مابین ون ڈے سیریز کے پہلے میچ کے بعد دوسرا ون ڈے میچ 29 ستمبر کو جبکہ تیسرا 2 اکتوبر کو کھیلا جائے گا۔ تینوں میچز کراچی کے نیشنل اسٹیڈیم میں ڈے اینڈ نائٹ کھیلے جائیں گے جس کے بعد ٹی ٹوئنٹی سیریز کا آغاز ہوگا جبکہ ون ڈے کرکٹ سیریز کے لیے نیشنل اسٹیڈیم میں بین الاقوامی معیار کے سیکورٹی انتظامات کیے گئے ہیں۔
یہ بھی پڑھیں: پاکستان میں سیکیورٹی کے بہترین انتظامات ہیں،سری لنکن کپتان
دونوں ملکوں کے مابین ہونے والی ٹی ٹوئنٹی کرکٹ سیریز لاہور کے قذافی اسٹیڈیم میں کھیلی جائے گی جس کے تینوں میچز رات کے وقت کھیلے جائیں گے جس کے دوران سیکیورٹی کے فول پروف انتظامات کیے جائیں گے۔
یاد رہے کہ قومی ٹیم کے کپتان سرفراز احمدکہہ چکے ہیں کہ پی سی بی نے انٹرنیشنل کرکٹ کی بحالی کے لیے بہت محنت کی ہے، سری لنکا کے ساتھ سریز کو آسان نہیں سمجھتے اور اچھا کھیل پیش کرنے کی بھرپور کوشش کریں گے۔
سرفرازاحمدکا کہنا تھا کہ ہوم گراؤنڈ میں کپتان کی حیثیت سے میری پہلی سیریزہوگی، کوشش ہوگی ٹیم میں پانچویں نمبرپربیٹنگ کروں۔ انہوں نےکہا کہ کوئی بھی ٹیم آسان نہیں ہوتی، میں اپنی انفرادی کارکردگی کو اچھا کرنا چاہتا ہوں۔ کپتانی کو لے کر کوئی پریشانی نہیں۔ عمر اکمل اور رضوان اسکواڈ کا حصہ ہیں۔
مزید پڑھیں: سری لنکا کے خلاف سیریز کو آسان نہیں لیں گے،کپتان سرفرازاحمد
