گوگل نیوز پر ہمیں فالو کریںاسلام آباد: وزیر اعظم کے مشیر برائے تجارت و سرمایہ کاری عبدالرزاق داؤد نے کہا ہے کہ گوادر بندرگاہ کو افغان ٹرانزٹ ٹریڈکے لئے فعال بنادیا گیا ہے۔
اپنے ٹویٹر پیغام میں عبدالرزاق داؤد کاکہنا ہے کہ مجھے آپ کے ساتھ یہ بات بتاتے ہوئے خوشی ہو رہی ہے کہ گوادر پورٹ کو اے پی ٹی ٹی اے 2010 کے تحت افغان ٹرانزٹ تجارت کے لئے فعال کیا ہے۔
انہوں نے مزید کہا کہ اس اقدام سے کاروباری برادری اور ملک کی شپنگ انڈسٹری کی دیرینہ خواہش کی تکمیل ہوتی ہے اور اس سے گوادر میں کاروباری مواقع اور روزگار پیدا کرنے کی راہ ہموار ہوگی۔
شوگر ، کھاد اور گندم افغانستان منتقل کی جائے گی، اس سلسلے میں افغانستان کے لئے ڈی اے پی کی 16000 میگا ٹن اور 500000 میگا ٹن گندم کا ڈبلیو ایف پی کارگو آئندہ ماہ پہنچے گاجبکہ چین سے جہاز بھی گوادر میں آف لوڈ ہوں گے۔
اس سے قبل کورونا کی وجہ سے سرحدوں کی بندش کے بعد 10 اپریل کو پاک افغان سرحدوں پر تجارتی سرگرمیاں دوبارہ شروع ہوگئی تھیں۔
افغان حکومت کی درخواست پر پاکستان نے تجارتی سرگرمیوں کی بحالی کے لئے افغانستان کے ساتھ طورخم اور چمن کی سرحد کھول دی تھی۔
مزید پڑھیں:اشیائے ضروریہ کی بلا تعطل فراہمی حکومت کی اوّلین ترجیح ہے۔فردوس عاشق اعوان
