گوگل نیوز پر ہمیں فالو کریںحکومتِ پاکستان نے چین میں موجود سفارت خانے اور معاونِ خصوصی برائے امورِ صحت ڈاکٹر ظفر مرزا کے ذریعے اعلان کیا ہے کہ پاکستانی طلباء کو یقین رکھنا ہوگا کہ وہ چین میں محفوظ ہیں۔
سماجی رابطے کی ویب سائٹ ٹوئٹر پرگزشتہ روز چین میں موجود پاکستانی سفارت خانے نے کہا کہ ہم چینی شہر وہان اور ہوبائی صوبے میں موجود پاکستانی طلباء کے معاملات کو سمجھ رہے ہیں۔
پاکستانی طلباء کو تسلی دیتے ہوئے سفارت خانے نے کہا کہ چین میں آپ کا خیال بالکل پاکستان کی طرح رکھا جائے گا۔ چین میں معاملات بہتری کی طرف جا رہے ہیں۔یقین رکھیں، آپ پوری طرح محفوظ ہیں۔
دوسری جانب وزیر اعظم کے معاونِ خصوصی برائے صحت ڈاکٹر ظفر مرزا نے چین میں موجود پاکستانی طلباء اور ان کے لواحقین کو مخاطب کرتے ہوئے ٹوئٹر پیغام میں کہا کہ معاملے پر ہماری گہری نظر ہے۔
معاونِ خصوصی ڈاکٹر ظفر مرزا نے کہا کہ ہم چین میں موجود پاکستانی طلباء کی وطن واپسی کے حوالے سے معاملات پر اعلیٰ سطح پر بحث و تمحیص کے عمل سے گزر رہے ہیں۔
ڈاکٹر ظفر مرزا نے کہا کہ ہم تمام حقائق اور کورونا وائرس کی صورتحال کو سامنے رکھتے ہوئے اس ضمن میں فیصلہ کریں گے۔ تمام پاکستانی طلباء کو یقین رکھنا ہوگا کہ پاکستان انہیں اپنا سمجھتا ہے اور ہمیں ان کی فکر ہے۔
We have full understanding of the situation of the Pakistani students in Wuhan and Hubei Province. China will care about you as our own. Things are getting better, and please rest assured you are well protected.#coronavirus @ImranKhanPTI @SMQureshiPTI @zfrmrza @ForeignOfficePk https://t.co/Gv5GzBypcE
— Chinese Emb Pakistan (@CathayPak) February 9, 2020
