معروف اردو شاعر مرزا اسد اللہ خان غالبؔ کا 222واں یومِ پیدائش آج منایا جا رہا ہے

جز وہم نہیں ہستیٔ اشیا مرے آگے

انسان، خدا اور کائنات جیسے موضوعات پر طبع آزمائی کرنے والے مرزا غالب نے ایسے ایسے اشعار لکھے کہ ان پر سائنس کو تحقیق کرنی پڑی اور جب غور کیا تو معلوم ہوا کہ سائنسی حقیقتیں بھی ان کے شعور پر آشکار تھیں۔ غالب کا ایک شعر دیکھئے:

رگِ سنگ سے ٹپکتا وہ لہو کہ پھر نہ تھمتا

جسے غم سمجھ رہے ہو، یہ اگر شرار ہوتا

اگراس شعر کے معنی پر غور کیا جائے تو معلوم ہوتا ہے کہ غالب پتھر میں رگوں کے وجود کا انکشاف کر رہے ہیں۔ شعر کے مطابق غالب نے کہا کہ جسے آپ غم سمجھ رہے ہیں، اگر یہ شرارہ (یعنی چنگاری) تو پتھر کی رگوں سے لہو کی طرح ٹپکتا۔

باالفاظِ دیگر غالب نے اپنے غم کو ایک لاوا قرار دیا۔ انہوں نے شعر میں کہا کہ اگر وہ چنگاری کی صورت میں دل میں موجود ہوتا تو پتھر بنے ہوئے دل کو لاوے کی طرح چیر کر اس کی رگوں سے باہر نکل آتا۔

آج کی سائنس حیران ہے کہ جب پتھر کی ساخت کا تجزیہ کیا گیا تو پتہ چلا اس میں واقعی انسانی جسم کی طرح ایسی رگیں موجود ہوتی ہیں جن سے لاوا سفر کرتے ہوئے باہر آسکتا ہے۔ یہی غالب کے سائنسی شعور کی دلیل ہے۔

پوچھتے ہیں وہ کہ غالبؔ کون ہے؟

کوئی بتلاؤ کہ ہم بتلائیں کیا؟

یاد رہے کہ اس سے قبل باکمال شاعر جونؔ ایلیا کو مداحوں سے بچھڑے ہوئے 17 برس ہو گئے جبکہ شاعری کے موضوعات، طرزِ اظہار اور جدید شاعری کے رجحانات کا حسین امتزاج جو جونؔ کے حصے میں آیا، آج تک کسی کو نہ مل سکا۔ 

نامور شاعر جونؔ ایلیا کا اصل نام جون اصغر اور تخلص جون تھا جو دسمبر 1931ء میں بھارت کے شہر امروہہ میں پیدا ہوئے۔ جونؔ ایلیا کا گھرانہ برصغیر کی علمی و ادبی تاریخ میں انتہائی اہمیت کا حامل کیونکہ اس گھرانے سے صرف جونؔ نہیں بلکہ رئیسؔ امروہوی بھی پیدا ہوئے۔

مزید پڑھیں:  جونؔ ایلیا کو مداحوں سے بچھڑے ہوئے 17 برس مکمل