گوگل نیوز پر ہمیں فالو کریںسفاک ڈاکوؤں نے دن دہاڑے نو بیاہتا جوڑے کو لوٹ لیا، ڈاکوؤں نے 30 سکینڈ کے اندر دیدہ دلیری سے لوٹ مار کی، چند گھنٹے قبل ہونے والی واردات کی سی سی ٹی وی فوٹیج سامنے آگئی۔
افسوس ناک واقعہ کراچی کے علاقے گلشن جمال میں پیش آیا، جہاں نئی نویلی دلہن اپنے شوہر کے ساتھ گھر کے دروازے پر پہنچی تو پیچھے سے ڈکیت تعاقب کرتے ہوئے موقع پر پہنچ گئے۔
گھر کی دہلیز پر پہنچتے ہی موٹر سائیکل سوار مسلح ڈاکوؤں نے نئی دلہن پر اسلحہ تان لیا اور جو کچھ بھی پاس ہے حوالہ کرنے کا حکم دیا۔
اس دوران اسلحے کے زور پر ملزمان نئے جوڑے سے موبائل فون، نقدی، دلہن کا پرس اور دیگر اہم سامان لوٹ کر آرام سے فرار ہوگئے، مسلح ڈکیت واردات کے بعد تیزی سے نکل گئے۔
سی سی ٹی وی کی فوٹیج سے یہ بات سامنے آئی ہے کہ انہی ملزمان نے 3 دسمبر کو بھی گلشن جمال میں خاتون سے لوٹ مار کی تھی۔
