گوگل نیوز پر ہمیں فالو کریںفیصل آباد کے ایک نواحی علاقے میں رقم کے تنازعے پر ارشاد بی بی نامی خاتون نے اپنے بیٹوں کے ساتھ مل کر اپنے بھائی ذوالفقار پر شدید تشدد کیا ہے اور اسے جان سے مارنے کی دھمکیاں دیں۔
ارشاد بی بی اور اس کے بیٹوں نے گرم سلاخوں اور راڈوں کے ساتھ ذوالفقار کو پیٹا اور شدید لہو لہان کر دیا۔ ذوالفقار کے لواحقین نے الزام لگایا ہے کہ پہلے اسے اغوا کیا گیا اور پھر ایک ماہ تک نامعلوم جگہ پر رکھا گیا۔
خون میں لت پت ذوالفقار ملزمان کے نرغےسے بڑی مشکل سے جان بچا کر بھاگا اور اپنے گھر پہنچ کر اپنے لواحقین کو اپنے ساتھ ہونے والے ظلم سے آگاہ کیا۔
لواحقین نے ذالفقار کی مرہم پٹی کروائی اور علاقہ پولیس سے مقدمہ درج کرنے کی درخواست کی۔ پولیس کو میڈیکل رپورٹ پیش کی گئی جس میں ذوالفقار پر ہونے والے تشدد کی تفصیلات بیان کی گئی ہیں۔ اس کے باوجود علاقہ پولیس نے ابھی تک واقعے کا مقدمہ درج نہیں کیا اور اس واقعے کی تفتیش کے لیے سنجیدہ نظر نہیں آتی۔
مزیدپڑھیئے: قائد آباد میں پولیس نے کارروائی کرتے ہوئے دو ڈکیتوں کو گرفتار کر لیا
