گوگل نیوز پر ہمیں فالو کریںاسلام آباد: وفاقی حکومت نے عید الاضحٰی اور جشن آزادی کی خوشی میں پاکستان میں چار روز تک کسی بھی جگہ لوڈ شیڈنگ نہ کرنے کا اعلان کیا ہے۔
پاور ڈویژن کا کہنا ہے کہ 11 اگست کی شام سے 14 اگست کی شام تک ملک کے کسی بھی شہر میں لوڈ شیڈنگ نہیں کی جائے گی، تاہم کسی بھی جگہ عارضی طور پر کسی انتظامی یا تکنیکی خرابی کی وجہ سے برقی رو منقطع ہونے کے امکان کو مسترد نہیں کیا جا سکتا۔
ترجمان پاور ڈویژن نے کہا کہ مقامی سطح پر برقی رو مسلسل بحال رکھنے کے لیے ٹیمیں تیار رہیں گی اور ہر ممکنہ خرابی کو دور کیا جائے گا اور کوشش کی جائے گی کہ خرابی جلد سے جلد دور کی جائے۔
پاور ڈویژن کے تحت عید الاضحٰی کے دنوں میں خصوصی ڈیوٹی کرنے کے لیے اہلکاروں کو تعینات کر دیا گیا ہے اور مانیٹرنگ کے نظام کو مؤثر بنانے کے لیے اقدامات کیے جا رہے ہیں۔
مزید پڑھیئے: سندھ میں عید الاضحٰی اور چودہ اگست کی خوشی میں قیدیوں کی سزا میں کمی
