گوگل نیوز پر ہمیں فالو کریںکراچی: سندھ بلڈنگ کنٹرول اتھارٹی سے بڑی خبر آگئی، ایس بی سی اے نے میسرز بحریہ ٹاؤن کی سیل اور ایڈورٹائیزمینٹ این او سی منسوخ کردیا۔
ڈپٹی ڈائریکٹر پبلک، سیل اینڈ ایڈورٹائیزمینٹ نے بحریہ ٹاؤن پروجیکٹ کی این او سی منسوخی کا ایک خط بھی جاری کیا، جس میں بتایا گیا کہ میسرز بحریہ ٹاؤن نے اسکروٹنی کی مد میں واجبات ادا نہیں کیے ہیں۔
ایس بی سی اے نے کہا کہ اس ضمن میں میسرز بحریہ ٹاؤن کو متعدد شو کاز نوٹیسسز بھی جاری کیے گئے لیکن جاری کیے گئے شو کاز نوٹیسسز کا کوئی جواب نہیں دیا گیا۔
یس بی سی اے کے مطابق شو کاز نوٹیسسز کے جواب نہ آنے اور اسکروٹنی فیس کی مد میں واجبات ادا نہ کرنے کی بناء پر میسرز بحریہ ٹاؤن کی این او سی منسوخ کی گئی ہے۔
