گوگل نیوز پر ہمیں فالو کریںانقرہ: ترکی میں پاکستانی سفیر ڈاکٹر یوسف جنید نے کہا ہے کہ ہم بد ترین زلزلے سے متاثرہ ترک بھائیوں کی ہر ممکن مدد کریں گے۔ دکھ کی اس گھڑی میں پاکستان اور ترکی ساتھ ساتھ ہیں۔
تفصیلات کے مطابق ترکی میں پاکستانی سفیر ڈاکٹر یوسف جنید اور انقرہ میں پاکستانی سفارت خانے کے عملے نے ترکی کے زلزلے سے متاثرہ علاقوں کیلئے امدادی سامان کی پیکنگ میں حصہ لینے کیلئے انقرہ میں کلیکشن پوائنٹس کا دورہ کیا۔
اتوار کو انتخابات کرانے کی پی ٹی آئی کی درخواست مسترد
سفیرِ پاکستان ڈاکٹر یوسف جنید نے پاکستانی سفارت خانے اور استنبول میں پاکستانی قونصلیٹ کی جانب سے مقامی حکام کو امدادی سامان پیش کیا۔ اس موقعے پر گفتگو کرتے ہوئے پاکستانی سفیر نے خیر سگالی کے جذبات کا اظہار کیا۔
گفتگو کے دوران پاکستانی سفیر ڈاکٹر یوسف جنید نے کہا کہ پاکستان دکھ کی اس گھڑی میں اپنے ترک بھائیوں کی ہر ممکن مدد کرے گا۔ انہوں نے مختلف یورپی یونیورسٹیز میں زیرِ تعلیم پاکستانی طلبہ سے ملاقات بھی کی۔
یورپی یونیورسٹیز میں زیرِ تعلیم پاکستانی طلبہ ترکی میں زلزلے سے متعلق امدادی سرگرمیوں میں حصہ لینے کیلئے رضاکارانہ طور پر کام کر رہے ہیں۔ سفیرِ پاکستان ڈاکٹر یوسف جنید نے طلبہ کے جوش و جذبے کو سراہا۔
