گوگل نیوز پر ہمیں فالو کریںواشنگٹن: امریکا کی جانب سے اسلام آباد میں ہونے والے دھماکے کی شدید مذمت کی گئی۔
ترجمان امریکی محکمہ خارجہ نیڈ پرائس کا کہنا ہے کہ اسلام آباد دھماکے میں جانوں کے ضیاع پر افسوس ہے۔
ان کا کہنا تھا کہ امریکا ہر قسم کی دہشت گردی کے خلاف پاکستان کے ساتھ ہے اور دہشتگردوں سے نمٹنے کے لیے ہر ممکن مدد دینے کو تیار ہیں۔
قبل ازیں وزیراعظم شہباز شریف نے اسلام آباد پولیس کے شہید ہیڈ کانسٹیبل عدیل حسین کو خراج عقیدت پیش کرتے ہوئے کہا تھا کہ پولیس اہلکاروں نے اپنے لہو کا نذرانہ دے کر دہشت گردوں کو روکا، قوم اپنے بہادروں کو سلام پیش کرتی ہے، پوری قوم مل کر دہشت گردی کے خاتمے تک جنگ جاری رکھے گی، دہشت گرد پاکستان کے دشمن اور عوام کے قاتل ہیں، ارض پاک کو اس فتنے سے پاک کرکے رہیں گے۔
امریکا صنفی مساوات کیلئے پاکستان کو 20 کروڑ ڈالر فراہم کریگا
انہوں نے زخمیوں سے ہمدردی کا اظہار کرتے ہوئے زخمیوں کو بہترین طبی سہولیات فراہم کرنے کی ہدایت جاری کی، کہا کہ الحمدللہ! قانون نافذ کرنے والے اداروں کی بروقت کارروائی سے بے گناہوں کا خون بہانے کا بڑا اور مذموم منصوبہ ناکام ہوگیا، عوام دہشت گردی کے خاتمے کے لئے اپنی فورسز کے ساتھ بھرپور تعاون کریں۔
گزشتہ روز ہونے والے دھماکے میں ایک پولیس اہلکار شہید اور 4 زخمی ہوگئے تھے، جبکہ مشتبہ بمبار سمیت گاڑی میں موجود 2 افراد بھی مارے گئے۔
