گوگل نیوز پر ہمیں فالو کریںپشاور: نامعلوم افراد نے پشاور میں سابق صوبائی وزیر حاجی جاوید کے گھر پر دستی بم کیا، جبکہ حملے میں کسی جانی نقصان کی اطلاعات موصول نہیں ہوئیں۔
پولیس ذرائع کے مطابق خیبرپختونخوا (کے پی) کے دارالحکومت کے علاقے گلبہار میں سابق صوبائی وزیر حاجی جاوید کے گھر کی چھت پر نامعلوم افراد کی جانب سے دستی بم پھینکا گیا۔ حملہ آور جائے وقوعہ سے فرار ہونے میں کامیاب ہو گئے۔
خوش قسمتی سے دستی بم پھٹ نہیں سکا، بم ڈسپوزل اسکواڈ (بی ڈی ایس) کو جائے وقوعہ پر طلب کیا گیا جس کے اہلکاروں نے دستی بم کو ناکارہ بنا دیا۔
مزید پڑھیں:تھانہ بلوچ کالونی کی حدود میں 6رکنی ڈکیت گروہ سرگرم،پولیس گرفتاری میں ناکام
پولیس کا کہنا ہے کہ ملزمان کی گرفتاری کے لیے علاقے میں سرچ آپریشن شروع کر دیا گیا ہے۔
