گوگل نیوز پر ہمیں فالو کریںاسلام آباد: وفاقی حکومت نے پیٹرول، ہائی اسپیڈڈیزل، لائٹ ڈیزل آئل اور مٹی کے تیل کی قیمتوں میں ایک بار پھر اضافہ کر دیا ہے۔
گزشتہ روز حکومت کے جاری کردہ نوٹیفیکیشن کے مطابق یکم اگست سے ہی پیٹرول 5 روپے 15 پیسے مزید مہنگا ہو کر 117 روپے 83 پیسے فی لیٹر ہو گیا جبکہ ہائی اسپیڈ ڈیزل کی قیمت میں بھی 5 روپے 65 پیسے کا اضافہ کرکے 132 روپے 47 پیسے فی لیٹر کر دیا گیا ہے۔لائٹ ڈیزل آئل 8 روپے 90 پیسے اور مٹی کا تیل 5 روپے 38 پیسے مہنگا کردیا گیا ہے۔
واضح رہے کہ حکومت نے پیٹرولیم مصنوعات کی قیمتوں کے بارے میں نوٹیفیکیشن کے اجراء سے قبل وفاقی کابینہ سےکوئی منظوری نہیں لی ہے۔ اور حالیہ اضافہ لاہور ہائیکورٹ میں چیلنج کردیا گیا ہے۔
