گوگل نیوز پر ہمیں فالو کریںاسلام آباد: سوئی سدرن گیس کمپنی نے سوشل میڈیا پر زیرِ گردش گیس لوڈشیڈنگ کی افواہوں کو مسترد کرتے ہوئے کہا کہ اس قسم کی تمام خبریں بے بنیاد اور جھوٹی ہیں۔
سماجی رابطے کی ویب سائٹ ٹوئٹر پر سوئی سدرن گیس کی جانب سے ایک ٹوئٹ جاری کی گئی جس میں سوشل میڈیا پر زیرِ گردش گیس لوڈشیڈنگ کی تصویر کے ساتھ پیغام میں لکھا کہ یہ خبر ہمارے نام سے سوشل میڈیا پر گردش کررہی ہے جس کی ادارہ سختی سے تردید کرتا ہے۔
#JustIn #SSGC #MediaAlert #FakeNews #NewsUpdate https://t.co/Hx1rYr4rsz
— SSGC Official (@SSGC_Official) October 11, 2022
قبل ازیں سوئی سدرن گیس کمپنی نے 15 اکتوبر سے 15 مارچ تک گیس لوڈشیڈنگ کے پلان کا اعلان کیا ہے، بیان میں کہا گیا تھا کہ سندھ اور بلوچستان میں صارفین کو صرف کھانے کے اوقات میں محدود وقت کے لیے گیس ملے گی۔
سوشل میڈیا پر چلنے والی خبروں کے مطابق سوئی سدرن گیس کمپنی نے اعلان کیا کہ گیس کی سپلائی 15 اکتوبر 2022 سے روزانہ معطل رہے گی، گیس جن اوقات میں ملے گی وہ درج ذیل ہیں۔
