گوگل نیوز پر ہمیں فالو کریںسینیٹ کا ہنگامی اجلاس آج وفاقی دارالحکومت اسلام آباد میں ہو رہا ہے جبکہ اپوزیشن کے مطالبے پر طلب کیے گئے اجلاس میں اپوزیشن کی سیاسی جماعتوں کی طرف سے حکومت کے خلاف شدید احتجاج متوقع ہے۔
چیئرمین سینیٹ صادق سنجرانی اجلاس کی صدارت کریں گے جس میں اپوزیشن کی طرف سے ملک کی سیاسی صورتحال اور مہنگائی کے معاملات پر حکومت کے خلاف شدید احتجاج کا امکان ہے۔
یہ بھی پڑھیں: وزیر اعظم عمران خان آج وفاقی کابینہ کے اجلاس کی صدارت کریں گے
وفاقی دارالحکومت اسلام آباد میں سینیٹ کا ہنگامی اجلاس آج سہ پہر 4 بجے منعقد ہوگا جبکہ قانون سازی کی بجائے حکومتی صدارتی آرڈیننس کی پالیسی پر بھی اپوزیشن کی طرف سے شدید نکتہ چینی اور بیان بازی متوقع ہے۔
اپوزیشن کی طرف سے سینیٹ اجلاس میں قائدین کی گرفتاریوں، مسلسل مقدمات اور نواز شریف، آصف علی زرداری، مریم نواز اور خورشید شاہ سمیت دیگر اہم اپوزیشن رہنماؤں کی بگڑتی صحت پر بھی حکومت کو آڑے ہاتھوں لیا جائے گا۔
یاد رہے کہ اس سے قبل پاکستان تحریک انصاف کے رہنما سینیٹر فیصل جاوید نے کہا کہ وزیراعظم عمران خان کی بدولت پاکستان کی معیشت مضبوط ہو رہی ہے، عوام ان لٹیروں کو جان چکی ہے، اپوزیشن کے بے مقصد دھرنے کی کوئی وجہ نہیں۔
جے یو آئی کے دھرنے پرگزشتہ روز رد عمل کا اظہار کرتے ہوئے سینیٹر فیصل جاوید نے کہاکہ وزیراعظم عمران خان کی بدولت پاکستان کی معیشت مضبوط ہو رہی ہے، عمران خان کی وجہ سے 70 سال بعد کشمیر پر پوری دنیا بات کر رہی ہے۔
مزید پڑھیں: وزیراعظم عمران خان کی بدولت پاکستان کی معیشت مضبوط ہو رہی ہے، سینیٹر فیصل جاوید
