بابا گرونانک کا 552واں جنم دن، وزیر اعظم کی سکھ برادری کو مبارکباد

اسلام آباد:وزیر اعظم عمران خان نے سکھ مذہب کے بانی بابا گرونانک کے 552ویں جنم دن کے موقعے پر سکھ برادری کو مبارکباد پیش کی ہے۔

سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ بابا گرونانک کی 552ویں سالگرہ کے موقعے پر دنیا بھر کی سکھ برادری کو مبارکباد دیتا ہوں۔

یہ بھی پڑھیں:

وزیر اعظم علالت کے باوجود مشترکہ پارلیمنٹ اجلاس میں شریک اراکین کے شکرگزار

عمران خان سے ڈی جی آئی ایس آئی فیض حمید کی الوداعی ملاقات

ٹوئٹر پیغام میں وزیر اعظم عمران خان نے کہا کہ اس مبارک موقعے پر ہم مذہبی مقامات کی زیارت کیلئے پاکستان آنے والے سکھ برادری کے افراد کو خوش آمدید کہتے ہیں۔

Wishing 552nd Guru Nanak Dev Ji Jayanti to all Sikhs around the world. On this auspicious occasion, we welcome thousands of Sikhs to visit their religious sites in Pakistan. I reiterate my govt’s commitment to continue facilitating them to perform their religious rituals.

— Imran Khan (@ImranKhanPTI) November 19, 2021

وزیر اعظم عمران خان نے کہا کہ میں حکومت کے اس عزم کا اعادہ کرتا ہوں کہ ہم مذہبی مقامات کی زیارت کیلئے آنے والے سکھ برادری کے افراد کو سہولیات فراہم کرتے رہیں گے۔ 

خیال رہے کہ اس سے قبل وزیر اعظم عمران خان نے علالت اور دیگر اہم مسائل کے باوجود پارلیمنٹ کے مشترکہ اجلاس میں اپنی شرکت یقینی بنانے والے اراکین کا شکریہ ادا کیا۔

ٹوئٹر پر گزشتہ روز اپنے پیغام  میں وزیر اعظم عمران خان نے اراکینِ پارلیمنٹ محمد خیال زمان، احسان اللہ ٹوانہ اور راحت امان اللہ بھٹی کے جذبے کی قدر کرتے ہوئے ان کا شکریہ ادا کیا۔