گوگل نیوز پر ہمیں فالو کریںاسلام آباد : پاکستان سیٹیزن پورٹل پر اکتوبر 2018 سے 23 جنوری 2020 تک شکایات کے اعدادوشمار سینیٹ میں پیش کر دیئے گئے جس کے مطابق ساٹھ فیصد شکایت کنندگان سیٹیزن پورٹل کی کارکردگی سے غیر مطمئن ہیں۔
وزیر اعظم آفس کی جانب سے جاری بیان کے مطابق صرف چالیس فیصد شکایت کنندگان سیٹیزن پورٹل سے مطمئن ہوئے ، سیٹیزن پورٹل پر شکایات کنندگان کی کل تعداد 17 لاکھ 11 ہزار 59 ہے ، 15 لاکھ 57 ہزار سے زائد شکایات کو نمٹا دیا گیا۔
وزیراعظم آفس کے مطابق زیر التوا شکایات کی تعداد ایک لاکھ 56 ہزار 352 ہے ،مطمئن ہونے والے شہریوں کی تعداد چار لاکھ سینتالیس ہزار ہے۔
اس سے قبل رواں ماہ وزیراعظم عمران خان کی ہدایات کی روشنی میں پاکستان سیٹیزن پورٹل پر کرپشن اور بدعنوانیوں سے متعلق شکایات کے اندراج کے لیے خصوصی کیٹگری متعارف کروائی گئی۔
مزید پڑھیں: پاکستان سیٹیزن پورٹل پر کرپشن اور بدعنوانیوں کی کیٹگری بھی متعارف کروا دی گئی
