گوگل نیوز پر ہمیں فالو کریںاسلام آباد: ملک بھر میں کورونا کے 39 نئے کیسز رپورٹ ہوئے ہیں جبکہ گزشتہ 24 گھنٹوں کے دوران وائرس کے باعث 1 مزید شہری جاں بحق ہوگیا۔
قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 72 ہزار 712 افراد کورونا سے متاثر جبکہ وائرس کے باعث 30 ہزار 619جاں بحق ہوئے۔ شرحِ اموات 2 فیصد کے قریب ہے۔
بولر نسیم شاہ نمونیا کے بعد کورونا میں بھی مبتلا
گزشتہ 24 گھنٹوں کے دوران کورونا کی تشخیص کیلئے 10 ہزار 371 ٹیسٹ کیے گئے جبکہ مثبت کیسز کا تناسب 0.38 فیصد رہا۔ ٹیسٹس کی مجموعی تعداد 3 کروڑ 5 لاکھ 53 ہزار 853 ہوگئی جبکہ کورونا کے 46مریض انتہائی نگہداشت میں ہیں۔
COVID-19 Statistics 02 October 2022
Total Tests in Last 24 Hours: 10,371
Positive Cases: 39
Positivity %: 0.38%
Deaths: 01
Patients on Critical Care: 46— NIH Pakistan (@NIH_Pakistan) October 2, 2022
یاد رہے کہ اس سے قبل دُنیا بھر میں کورونا سے 61 کروڑ 81 لاکھ افراد متاثر ہوئے جبکہ وائرس کے باعث 65 لاکھ 33ہزار سے زائد افراد ہلاک ہو گئے۔
دُنیا کے 200 سے زائد ممالک اور خطوں میں 11 روز قبل تک کورونا سے مجموعی طور پر 61 کروڑ 81 لاکھ 55 ہزار 958 افراد متاثر ہوئے جبکہ وائرس کا شکار 65 لاکھ 33 ہزار 516 افراد جان کی بازی ہار گئے۔
وائرس سے متاثرہ 40 ہزار 194 افراد کی حالت تشویشناک رہی جبکہ دنیا بھر میں کورونا کے فعال کیسز کی تعداد 1 کروڑ 35 لاکھ 23 ہزار 854 ہوگئی۔ وائرس کے 1 کروڑ 34 لاکھ 83 ہزار 660 مریضوں کو معمولی تکالیف کا سامنا تھا۔
